Gujarati News

Gujarati News

News of Friday, 22nd January 2021

કડીમાં વેપારીએ કપાસિયા તેલના ડબ્બા પર ફ્રોચ્યુન ફ્લાવર તેલના સ્ટીકર લગાવી છેતરપિંડી આચરતા પોલીસ ફરિયાદ

કડી: શહેરના એક વેપારીના ગોડાઉનમાં પોલીસે કરેલી રેડમાં કપાસીયા તેલના ૨૫ ડબ્બા ઉપર ફોર્ચ્યુન ફ્લાવર તેલના  સ્ટીકર લગાવેલા હોવાનું સામે આવ્યું હતું. જેથી અંગે તેલનો જથ્થો પુરો પાડનાર આંબલિયાસણના વેપારી સામે છેતરપીંડીની ફરિયાદ નોંધાવવામાં આવી હતી. જેના આધારે કડી પોલીસે ગુનો દાખલ કરીને વધુ તપાસ હાથ ધરી  છે.

કડીના માર્કેટયાર્ડમાં રાજેશભાઈ અમરતભાઈ પટેલ ટ્રેડીંગ કંપનીના નામે ખાદ્ય તેલનો વેપાર કરે છે. તેઓએ આંબલિયાસણમાં તેલના જથ્થાબંધ વેપાર કરતા પોતાના મિત્ર મયુર મનુભાઈ પટેલના કહેવાથી તેમની પાસેથી દસેક દિવસ પહેલા ફોર્ચ્યુન કંપનીના ૨૫ ડબાની  ખરીદી કરી હતી. ત્યારબાદ અન્ય વેપારીએ રાજેશભાઈ પાસે વિવિધ પ્રકારના તેલના જથ્થાનો ઓર્ડર આપ્યો હતો. જેથી તેમણે ફોર્ચ્યુન તેલના ૨૫ ડબા સહિતનો માલસામાન તેમને મોકલાવ્યો હતો. જોકે ફોર્ચ્યુન તેલના ડબાનું પેકીંગ યોગ્ય નથી તેમજ ડબામાં કપાસીયા તેલ હોવાનું જણાતા તેમણે ૨૫ ડબા પરત મોકલી આપ્યા હતા. દરમિયાન રાજેશભાઈ પોતાના ગોડાઉન પર હાજર હતા તે વખતે પોલીસે રેડ કરતાં સમગ્ર છેતરપીંડીનો પર્દાફાશ થયો હતો. જેમાં કપાસીયા તેલ ભરેલ ડબ્બા ઉપર ફોર્ચ્યુન ફ્લાવર તેલના માર્કાના બનાવટી સ્ટીકર લગાવી છેતરપીંડી આચરવામાં આવી હોવાનું માલુમ પડયું હતું. જેથી અંગે તેમણે કડી પોલીસ મથકે ફરિયાદ નોંધાવી હતી. જેના આધારે પોલીસે ગુનો દાખલ કરીને કાયદેસરની કાર્યવાહી હાથ ધરી છે.

(5:55 pm IST)
  • રાજસ્થાનના દોઢ ડઝન જિલ્લામાં બર્ડ ફ્લુનો પગપેસારો: રાજસ્થાનના ૧૭ જિલ્લામાં બર્ડ ફ્લુનો પગપેસારો: સત્તાવાર જાહેરાત: રાજસ્થાનમાં અત્યાર સુધીમાં ૧૮૧ પક્ષીઓ મૃત્યુ પામેલ મળી આવ્યા છે. access_time 12:16 am IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • રાજકોટ-68નાં કોંગ્રેસનાં પુર્વ ધારાસભ્ય ઈન્દ્રનીલ રાજ્યગુરુ, રાજકોટ મહાનગરપાલિકાનાં પુર્વ વિપક્ષી નેતા વશરામ સાગઠીયા સહિતનાં આગેવાનોની આજે મોડી રાત્રે અકિલા ચોકમાં અનશન ઉપર બેસતા ત્રીજી વખત અટકાયત કરતી રાજકોટ પોલીસ... access_time 11:10 pm IST