Gujarati News

પ્રાંતિજ: તાલુકાના સીતવાડા નવાપુરા ગામે રાત્રિના સમયે જન્મ દિવસની ઉજવણી કરી કેક કાપ્યા બાદ હોેટલ બાહર આવી બોલાચાલી કરી એક જ કોમના બે જુથ વચ્ચે અદાવતમાં જુથ અથડામણ થઇ હતી. જેમાં તલવારો, પાઇપ સહિત હથિયારોથી હુમલો કરતા છ વ્યકિતને ઇજા થઇ હતી.

આ મામલે પ્રાતિજ પોલીસ સ્ટેશને બંને જુથોએ સામસામે ફરિયાદ નોંધાવી હતી. આ મામલે નવ વ્યકિત સામે અટકાયતી પગલાં લેવામાં આવ્યા હતા.  પ્રાંતિજ ના સીતવાડા નવાપુરા ખાતે અગત અદાવતને લઈને શુક્રવારની રાત્રીના ૧૦ કલાકે વડવાસા પાસે આવેલી ધનલક્ષ્મી કાઠિયાવાડી હોટલ આગળ જ બે જુથો વચ્ચે   સામ-સામે બોલાચાલી બાદ ધિગાણુંમાં તલવારો ઉડી હતી અને બંને પક્ષે થઈ છ લોકોને ઈજા થતાં હિંમતનગર ખાતે આવેલી સિવિલ હોસ્પિટલ ખાતે સારવાર અર્થે ખસેડવામા આવ્યા હતા. 

જુથ અથડામણને લઇ પોલીસ કાફલો ઘટના સ્થળે દોડી આવ્યો હતો અને મામલો થાળે પાડયો હચા અને નવ લોકો સામે અટકાયતી પગલાં ભરવામાં આવ્યા હતા. આ મામલે પીઆ એસ.એચ. ત્રિવેદીએ બંને પક્ષે ગુનો નોંધીને તલવાર, પાઇપ સહિતના હથિયારો અને હોટેલ બહારથી ઇકોકાર, ચાર બાઇક સહિતના વાહનો કબેજ લીધા હતા. સમગ્ર મામલે પોલીસે વધુ તપાસ હાથ ધરી છે.