Gujarati News

(કાર્તિક બાવીશી દ્વારા )વલસાડ સિટી પોલીસે શહેરમાં ચાલતા દારૂના અડ્ડાઓ અને જુગારધામો પર ગત સાંજે એક સાથે દરોડા પાડ્યા હતા. આ દરોડામાં તેમણે દારૂના 5 અને જુગારના 2 કેસ કરતાં શહેરના અસામાજીક  તત્વોમાં ફફડાટ ફેલાઇ ગયો હતો.
 વલસાડ જિલ્લા પોલીસ વડા રાજદિપસિંહ ઝાલાએ સિટી પીઆઇ તરીકે વી. ડી. મોરીની નિમણૂક કરતાં તેમણે સિટી પોલીસનના હેડકોન્સ્ટેબલ સંજય, ઇશ્વરભાઇ, કોન્સ્ટેબલ રાજકુમાર, કિરીટસિંહ, ધનશ્યામસિંહ અને હરદેવસિંહે વલસાડની નામચીન એવી મટકા ક્વીન તારા બાબુભાઇ પટેલના જુગારના અડ્ડા પર દરોડો પાડ્યો હતો. તેની પાસેથી તેમણએ રૂ. 4450 કબજે લીધા હતા. ત્યારબાદ તેમણે શહિદ ચોક વિસ્તારમાં ચાલતા જુગારધામ પર દરોડો પાડી બળવંત પટેલ, પ્રકાશ પટેલ,ને પકડી પાડ્યા હતા. જ્યારે ગણેશ પટેલ અને વોન્ટેડ જાહેર કર્યો હતો. આ સિવાય તેમણે પોલીસ પર હુમલો કરનારી અલુબેન ટંડેલના ઘરે દારૂની રેડ કરી બિયરના 2 ટીન પકડી પાડ્યા હતા. તેમજ તેમણે ફરહાના અબ્બાસ શેખ, મેહુલ રમેશ ઓડ, કમુ અશોક રાણા અને હિરેન ઉર્ફે પિન્ટુ ભીખુ પટેલ સામે પણ દારૂના કેસ કર્યા હતા. એક સાથે દારૂના 5 કેસ કરી તેમણે શહેરના બુટલેગરોને ધંધો બંધ કરવાની ચેતવણી આપી દીધી છે.