Gujarati News

રાજકોટ તા. ર૦ :.. રાજય સરકારે ગયા મહિને થયેલા વધુ વરસાદથી અસરગ્રસ્ત ખેડૂતોને સહાય આપવા માટે રૂ. ૩૭૦૦ કરોડનું પેકેજ જાહેર કરેલ તેનું ચુકવણુ પહેલા નોરતેથી શરૂ થયું છે. જોકે નોરતામાં થયેલ વરસાદથી ખેડૂતોને નુકશાન થયુ હોય તેના વળતર બાબતે સરકારે કોઇ નિર્ણય જાહેર કર્યો નથી.

રાજયના કૃષિ અને સહકાર સચિવશ્રી મનીષ ભારદ્વાજે જણાવ્યા મુજબ અતિવૃષ્ટિ સહાય માટે અત્યાર સુધીમાં ૧૩.૯૮ લાખ ખેડૂતોની ઓનલાઇન અરજી આવી છે.

તે પૈકી મંજૂરીની પ્રક્રિયા પુર્ણ કરી આજે સવાર સુધીમાં ૧,૭૩,ર૩પ ખેડૂતોને રૂ. ૧૩૭.૭૩ લાખ ચુકવાઇ ગયા છે. તા. ૩૧ સુધીમાં મળવાપાત્ર તમામ ખેડૂતોને સહાય ચુકવી દેવાનો લક્ષ્યાંક છે.