News of Friday, 19th January 2018

એટીએમ સેન્ટરમાંથી પૈસા ઉપાડનારી ટોળકી પકડાઈ

આંતરરાષ્ટ્રીય કક્ષાના-હાઇટેક રસ્તા બનાવાશેઃ પૈસા ઉપાડીને બેંકના ટોલ ફ્રી નંબર ઉપર ફોન કરી પૈસા રિફંડ મેળવતી ગેંગના સભ્યો પકડાયા બાદ વિગતો ખુલી

અમદાવાદ,તા. ૧૯, એટીએમ સેન્ટર પરથી પૈસા ઉપાડી લઇ બેંકના ટોલ ફ્રી નંબર ઉપર ફોન કરી પૈસા રિફંડ મેળવી લેતી મેવાતી ગેંગના સભ્યોને પકડી પાડવામાં સાઈબર ક્રાઈમ સેલે મોટી સફળતા હાસલ કરી છે. એટીએમ મશીન સાથે છેડછાડ કરીને આ ગેંગના સભ્યો રિફંડ મેળવી લેવામાં સક્રિય હતા. ઝડપાયેલાઓની પુછપરછ હાથ ધરવામાં આવી છે. બે ઇસમોને પોતાની પાસે જુદી જુદી બેંકના એટીએમ રાખી એટીએમ સેન્ટરમાં ટ્રાન્ઝિક્શન કરી બેંકમાં એન્ટ્રી ન પડે તે રીતે મશીન સાથે છેડછાડ કરી નાણાં મેળવી છેતરપિંડી કરતા હોવાની માહિતી મળી હતી. ઝડપાયેલા શખ્સોની ઓળખ કરી લેવામાં આવી છે. આ ઇસમોને નારોલ ગામ તલાવડી પાસેથી પકડી લેવામાં આવ્યા છે. ઝડપાયેલા પૈકી એક ૧૯ વર્ષીય અફશરઅલી દિનમોહમ્મદ ખાન છે. જ્યારે બીજો શખ્સ નૂર હસન છે. જે ૧૯ વર્ષીય છે. ઝડપાયેલા બંને પાસેથી અલગ અલગ બેંકના ડેબિટ કાર્ડ નંગ ૧૭, બેંક પાસબુક બે નંગ મળીને પુછપરછ હાથ ધરવામાં આવી છે. બંને ઇસમોની પુછપરછ કરાતા એટીએમ કાર્ડ મારફતે એટીએમ સેન્ટરમાં જઇ ટ્રાન્ઝિક્શન કરી રૃપિયા નિકળે કે તરત જ એટીએમ પાછળ આવેલા સ્વિચને બંધ કરી દેતા હતા. સિસ્ટમમાં નાણા વિડ્રો થયાની પ્રક્રિયા પૂર્ણ થવા દેતા ન હતા જેથી રૃપિયા નિકળે તે રૃપિયાની એન્ટ્રી બેંકમાં પડતી ન હતી. આ રીતે છેતરપિંડી કરતા હોવાની કબૂલાત કરવામાં આવ્યા બાદ તેમની સામે તપાસ હાથ ધરવામાં આવી છે. આરોપીઓની પુછપરછ દરમિયાન જાણવા મળ્યું છે કે, આબંને હરિયાણાના વતની છે. અલગ અલગ વ્યક્તિઓના એક એટીએમ કાર્ડના રૃપિયા ૧૦૦૦ ભાડેથી લઇ જે એટીએમ કાર્ડ ધારક હોઈ તેના ખાતામાં પૈસા જમા કરાવવા અને ત્યારબાદ આ એટીએમ કાર્ડ લઇ બીજા કોઇ એટીએમ સેન્ટરમાં જવાનું અને એટીએમ કાર્ડથી રૃપિયા કઢાવવાના ત્યારબાદ રૃપિયા મશીનમાંથી બહાર આળે ત્યારે તરત જ મશીન પાછળની પાવર સ્વિચ ઓફ કરી દેવાની પ્રક્રિયા હાથ ધરતા હતા જેથી બેંકમાં આ નાણાની એન્ટ્રી પડતી ન હતી. ટોલ ફ્રી નંબર ઉપર ફોનકરી એટીએમ સેન્ટર પરથી નાણા ઉપડ્યા નથી તેવો ફોન કરતા હતા.

 

(10:01 pm IST)
  • ભુજમાંથી પાકિસ્તાન માટે જાસૂસી કરતા બે જાસૂસનો મામલો ;હાઇકોર્ટે એ બન્ને જાસૂસને ઓફિશિયલ સિક્રેટ અક્ત માંથી ડિસ્ચાર્જ કર્યા :બંને જાસૂસ સામે ઓફિશિયલ સિક્રેટ હેઠળ કાર્યવાહી નહીં થાય : ઓફિશિયલ સિક્રેટ એક્ટ હેઠળ કાર્યવાહી કરવા માટે કેન્દ્ર સરકારની મંજૂરી જરૂરી :જોકે એટીએસ કેન્દ્ર સરકાર પાસેથી મંજૂરી મેળવવામાં વિલંબ કર્યો access_time 11:28 pm IST

  • આગામી 25 જાન્યુઆરીના રોજ બોક્સ ઓફિસ પર ફિલ્મ પદ્માવત અને અક્ષય કુમારની પેડમેનની ટક્કર થવાની હતી. આ બંને મેગા બજેટ ફિલ્મોની ટક્કર ટળી ચુકી છે. જી હાં સંજય લીલા ભણસાલીએ આ મામલે અક્ષય કુમાર સાથે ચર્ચા કરી હતી અને ત્યારબાદ અક્ષય કુમારે પોતાની ફિલ્મની રિલીઝ ડેટ બદલવાનો નિર્ણય કર્યો છે. આ અંગેની જાણકારી બંને દિગ્ગજોએ પ્રેસ કોન્ફરન્સ સંબોધીને આપી હતી. હવે 25 તારીખે માત્ર પદ્માવતી ફિલ્મ રિલીઝ થશે અને અક્ષય કુમારની ફિલ્મ 9 ફેબ્રુઆરીના રોજ રિલીઝ થશે. આ અંગે અક્ષય કુમારે જણાવ્યું હતુ કે આ તારીખની વધારે જરૂરિયાત સંજયને છે, છેલ્લા ઘણા સમયથી તે ફિલ્મ રિલીઝ માટે લડત લડી રહ્યા હતા. access_time 11:19 pm IST

  • યુ.કે.માં દર્દીઓ ઉપર સેકસી હુમલાઃ ૬૦ વર્ષીય ભારતીય ડોકટરને જેલ :યુ.કે.માં પોતાના દર્દીઓ ઉપર સેકસી હુમલાઓ કરવાના આરોપસર ભારતીય મુળના ૬૦ વર્ષીય ડોકટર જશવંત રાઠોડને જેલસજા ફરમાવાઇ છે. access_time 3:23 pm IST