Gujarati News

Gujarati News

News of Sunday, 18th October 2020

વાવઝોડા અને વરસાદના લીધે ખેડૂતોના પાક.ને ભારે નુકસાન

ખેડુતોએ તૈયાર કરેલો પાક ભીનો થયો : વાવાઝોડા સાથે આવેલા વરસાદને કારણે શામળાજી પંથકમાં વરસાદે ખેડૂતોના મોઢામાં આવેલો કોળિયો છીનવી લીધો

અરવલ્લી ,તા.૧૮ : અરવલ્લી જિલ્લામાં શામળાજી, માલપુર, મેઘરજ, મોડાસા તાલુકામાં વાવાઝોડા સાથે વરસાદ વરસ્યો હતો. હવામાન ખાતાની આગાહી બાદ અરવલ્લી જીલ્લામાં ગત મોડી સાંજથી વાતાવરણમાં પલટો આવ્યો હતો. જીલ્લાના ભિલોડા તાલુકાના શામળાજી પંથકમાં ગાજીવીજ અને વાવાજોડા સાથે ધોધમાર વરસાદ ખાબકતાં વિસ્તારમાં મગફળી, મકાઈ સહિતના પાકોને વ્યાપક નુકશાન થયું છે જેના પગલે ખેડૂતોને મોટું નુકશાન સહન કરવાનો વારો આવ્યો છે. ખેડૂતોએ ચાલુ ખરીફ સીજનમાં કુલ ૨ લાખ હેક્ટર જમીનમાં ચોમાસું વાવેતર કર્યું છે. જે પૈકી ભિલોડા તાલુકામાં ૭૧૫૫ હેકટર જમીનમાં મગફળી , ૧૦૪૩૪ હેકટરમાં મકાઈ , ૪૨૩ હેકટરમાં કપાસ, અડદ સહીતના પાકોનું વાવેતર કર્યું હતુ. ત્યારે ઓચિંતા આવેલા વરસાદે ખેડૂતોના પાકને ભીંજાવી દેતાં પાક ઘાસચારામાં પણ કામ લાગે તેવો રહ્યો નથી. જેથી ખેડૂતો મુશ્કેલીમાં મુકાયા છે અને સરકાર દ્વારા સર્વે કરી યોગ્ય વળતર અપાય તેવી માંગ કરી રહ્યા છે. ખેડૂતોએ ચાલુ ખરીફ સીજનમાં કુલ ૨ લાખ હેક્ટર જમીનમાં ચોમાસું વાવેતર કર્યું છે.

           જે પૈકી ભિલોડા તાલુકામાં ૭૧૫૫ હેકટર જમીનમાં મગફળી , ૧૦૪૩૪ હેકટરમાં મકાઈ , ૪૨૩ હેકટરમાં કપાસ, અડદ સહીતના પાકોનું વાવેતર કર્યું હતુ. ત્યારે ઓચિંતા આવેલા વરસાદે ખેડૂતોના પાકને ભીંજાવી દેતાં પાક ઘાસચારામાં પણ કામ લાગે તેવો રહ્યો નથી. જેથી ખેડૂતો મુશ્કેલીમાં મુકાયા છે અને સરકાર દ્વારા સર્વે કરી યોગ્ય વળતર અપાય તેવી માંગ કરી રહ્યા છે. વાવાઝોડા સાથે આવેલા પાછોતરા વરસાદને કારણે અરવલ્લી જીલ્લાના ભિલોડા તાલુકામાં આવેલા શામળાજી પંથકમાં વરસાદે ખેડૂતોના મોઢામાં આવેલો કોળિયો છીનવી લીધો છે. જગતનો તાત મુશ્કેલીમાં મુકાયો છે. ગત મોડી રાત્રી દરમિયાન વાતાવરણમાં આવેલા પલટા બાદ શામળાજી પંથકના વેણપુર, શામળપુર, ખારી, ખેરંચા, રંગપુર સહિતના વિસ્તારોમાં વાવાઝોડા સાથે ધોધમાર વરસાદ વરસ્યો હતો. જેના પગલે ખેડૂતોએ પોતાના ખેતરોમાં સુકાવવા મુકેલો તૈયાર પાક મગફળી, મકાઈ સહિતના પાકો પલળી જતા ખેડૂતોને મોટું નુકશાન થયું છે.

(7:27 pm IST)
  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં એકધારો ઘટાડો : રાત્રે 12 વાગ્યા સુધીમાં કોરોનાના નવા 61,714 કેસ નોંધાયા : કુલ કેસનો આંકડો 74,92,548 થયો :એક્ટીવ કેસ ઘટીને 7,83,131 થયા : વધુ 72,339 દર્દીઓ સ્વસ્થ થતા કુલ 65,94,155 રિકવર થયા : વધુ 1031 લોકોના મોત સાથે કુલ મૃત્યુઆંક 1,14,064 થયો access_time 12:44 am IST

  • બિહારમાં ભાજપને જેડીયુ કરતા વધુ સીટ મળે તો પણ મુખ્યમંત્રી નીતીશકુમાર જ બનશે : હોમ મિનિસ્ટર તથા ભાજપ પૂર્વ અધ્યક્ષ અમિત શાહની સ્પષ્ટતા access_time 8:06 pm IST

  • રાજકોટ માં વીજળી ના કડાકા ભડાકા સાથે સાંજે 1 કલાક માં બેફામ 2 ઇંચ વરસાદ.રોડ પર નદીઓ વહી. વીજળી ના ભયંકર અવાજ થી લોકો ફફડી ઉઠ્યા.ફાયર બ્રિગેડમાં સામા કાંઠે 55 મી.મી. અને જુના રાજકોટ માં 45 મી મી. વરસાદ નોંધાયો .હજુ અસહ્ય બફારો યથાવત.ફફડી access_time 8:44 pm IST