Gujarati News

Gujarati News

News of Sunday, 18th October 2020

રાજપીપળા કરજણ બ્રિજથી સ્મશાનભૂમિ સુધીના માર્ગે સંરક્ષણ દિવાલ બનાવવામાં ભરૂચ સંસદનીમુખ્યમંત્રી રૂપાણીને રજુઆત

છેલ્લા દસ વર્ષથી આ ધોવાણ અટકાવવા માટે વારંવાર રજૂઆતો થઈ છે પરંતુ કોઈ સંતોષકારક પરિણામ આવ્યું નથી તેથી રાજપીપળાની પ્રજા ખુબ જ નારાજ છે.

(ભરત શાહ દ્વારા) રાજપીપળા : ભરૂચ સંસદ સભ્ય મનસુખભાઇ વસાવા દ્વારા મુખ્યમંત્રી વિજયભાઈ રૂપાણીને એક પત્ર લખી રજુઆત કરવામાં આવી છે જેમાં જણાવ્યા મુજબ રાજપીપળા શહેર એક ઐતિહાસિક શહેર છે.જેની મીની કાશ્મીર તરીકેની ઓળખ છે.આ શહેરના કરજણ નદી કિનારાના વિસ્તાર જયાં વર્ષો જૂના અખાડા આવેલા છે,તથા ૦૨ થી ૦૩ પૌરાણિક મહાદેવના મંદિર પણ આવેલા છે. નજીકમાં રાજપીપળા શહેરીજનોનું સ્મશાન પણ છે.તેમજ એરોડ્રામની જમીન પણ છે.આ વિસ્તારમાં ખેડૂતોની ફળદ્રુપ જમીનો આવેલી છે.ભારે વરસાદના કારણે કરજણ ડેમનું વધારાનું પાણી જયારે જયારે છોડવામાં આવે છે ત્યારે ભારે પ્રમાણમાં ખેડૂતોની જમીનનું ધોવાણ થાય છે.રાજપીપળા શહેરના પાછળના ભાગનો રસ્તો આ ધોવાણના કારણે તૂટી રહ્યો છે,

   ઉપરોક્ત બતાવેલા સ્થાનો સ્મશાન ભૂમિ સહિત ભારે ધોવાણના કારણે અનેક સમસ્યાઓ ઉભી થઇ રહી છે , છેલ્લા દસ વર્ષથી આ ધોવાણ અટકાવવા માટે વારંવાર રજૂઆતો થઈ છે પરંતુ કોઈ સંતોષકારક પરિણામ આવ્યું નથી તેથી રાજપીપળા ની પ્રજા ખુબ જ નારાજ છે તેથી ખાસ કિસ્સામાં કરજણ બ્રિજ થી સ્મશાન સુધીની અડધા કિલોમીટર જેટલી સંરક્ષણ દિવાલ બનાવવામાં આવે તે માટે યોગ્ય ઘટતું કરવા સીએમ ને રજુઆત કરાઇ છે.

(10:43 pm IST)
  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં એકધારો ઘટાડો : રાત્રે 12 વાગ્યા સુધીમાં કોરોનાના નવા 61,714 કેસ નોંધાયા : કુલ કેસનો આંકડો 74,92,548 થયો :એક્ટીવ કેસ ઘટીને 7,83,131 થયા : વધુ 72,339 દર્દીઓ સ્વસ્થ થતા કુલ 65,94,155 રિકવર થયા : વધુ 1031 લોકોના મોત સાથે કુલ મૃત્યુઆંક 1,14,064 થયો access_time 12:44 am IST

  • આસામના તમામ સરકારી મદ્રેસા સ્કૂલોમાં ફેરવાશે : પ્રાઇવેટ મદ્રેસાને કોઈ અસર નહીં થાય : મદ્રેસા બંધ કરવા મામલે થયેલી બબાલ બાદ શિક્ષણ મંત્રી હેમંત બિસવાની ઘોષણાં access_time 7:25 pm IST

  • રાજકોટ માં વીજળી ના કડાકા ભડાકા સાથે સાંજે 1 કલાક માં બેફામ 2 ઇંચ વરસાદ.રોડ પર નદીઓ વહી. વીજળી ના ભયંકર અવાજ થી લોકો ફફડી ઉઠ્યા.ફાયર બ્રિગેડમાં સામા કાંઠે 55 મી.મી. અને જુના રાજકોટ માં 45 મી મી. વરસાદ નોંધાયો .હજુ અસહ્ય બફારો યથાવત.ફફડી access_time 8:44 pm IST