Gujarati News

Gujarati News

News of Sunday, 18th October 2020

રાજપીપળાના પૌરાણિક હરધ્ધિ માતાજીના મંદિરે કોવિડ ૧૯ ગાઈડલાઈનના પાલન સાથે ભક્તોએ માતાજીના દર્શન કર્યા

(ભરત શાહ દ્વારા)રાજપીપળા : હાલ કોરોના મહામારી ચાલી રહી છે ત્યારે તમામ ધાર્મિક સ્થળોને સરકાર દ્વારા બંધ રાખવામાં આવ્યા હતા પરંતુ અનલોક બાદ કોવિડ ગાઈડ લાઈન મુજબ ધાર્મિક સ્થળોને ખુલ્લા મુકાયા છે હાલ જ્યારે નવરાત્રી શરુ થઇ ગઇ છે ત્યારે રાજપીપળામાં ૪૦૦ વર્ષ પૌરાણીક હરસિધ્ધિ માતાજીના મંદિરે દર વર્ષે ધામધૂમથી નવરાત્રીની ઉજવણી થાય છે પરંતુ ચાલુ વર્ષે કોરોના મહા મારીના કારણે મેળો અને ગરબાનું આયોજન મોકૂફ રખાયું છે ત્યારે આજે પ્રથમ નવરાત્રીએ કોવિડ ૧૯ ની ગાઇડલાઇનના પાલન સાથે દર્શનાર્થીઓએ માતાજીના દર્શન કર્યા હતા.
  ભક્તોને ફરજિયાત માસ્ક પહેરી સોસીયલ ડિસ્ટન્સ સાથે મંદિરમાં પ્રવેશ આપાઈ રહ્યો છે અને વર્ચ્યુઅલ આરતી અને લાઇવ દર્શન માટે મંદિરની બહાર મોટું એલ.ઇ.ડી. ટીવી ગોઠવવામાં આવ્યું છે અને પ્રસાદ લાવવા ઉપર પણ પાબંદી મુકવામાં આવી છે. 

  ઉપરાંત આજે દૂરથી દર્શને આવેલ ભક્તો માં થોડી નિરાશા જોવા મળી હતી પરંતુ દર્શનાર્થીઓએ જણાવ્યું હતું કે કોરોના મહામારી સંદર્ભે મંદિરમાં દર્શનની સુંદર વ્યવસ્થા ગોઠવવામાં આવી છે તેમજ સમગ્ર વિશ્વમાંથી કોરોના દૂર થાય તેવી માતાજીને પ્રાર્થના કરી હતી.

(10:08 pm IST)
  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં એકધારો ઘટાડો : રાત્રે 12 વાગ્યા સુધીમાં કોરોનાના નવા 61,714 કેસ નોંધાયા : કુલ કેસનો આંકડો 74,92,548 થયો :એક્ટીવ કેસ ઘટીને 7,83,131 થયા : વધુ 72,339 દર્દીઓ સ્વસ્થ થતા કુલ 65,94,155 રિકવર થયા : વધુ 1031 લોકોના મોત સાથે કુલ મૃત્યુઆંક 1,14,064 થયો access_time 12:44 am IST

  • રાજકોટ માં વીજળી ના કડાકા ભડાકા સાથે સાંજે 1 કલાક માં બેફામ 2 ઇંચ વરસાદ.રોડ પર નદીઓ વહી. વીજળી ના ભયંકર અવાજ થી લોકો ફફડી ઉઠ્યા.ફાયર બ્રિગેડમાં સામા કાંઠે 55 મી.મી. અને જુના રાજકોટ માં 45 મી મી. વરસાદ નોંધાયો .હજુ અસહ્ય બફારો યથાવત.ફફડી access_time 8:44 pm IST

  • અબડાસા પેટા ચૂંટણી ફોર્મ ચકાસણીનું કાર્ય પૂર્ણ.:32 ફોર્મ માંથી 7 ફોર્મ રદ્દ થયા:ઉમેદવારોના 25 ફોર્મ માન્ય :હાલ સુધીના ચિત્ર પ્રમાણે 19 ઉમેદવારો વચ્ચે ખેલાશે ચૂંટણીનો જંગ: હજી ઉમેદવારી પત્ર પાછા ખેંચનાવાનું બાકી... access_time 6:15 pm IST