Gujarati News

Gujarati News

News of Sunday, 18th February 2018

ડીસાના ભીલડી હાઈવે પર થયો ગોઝારો અકસ્માત : જીપે બાઈક સવારોને ઉલાળ્યા

બાઈક પર સવાર માતા-પીતાને પહોચી ગંભીર ઈજા : બાળકનો થયો આબાદ બચાવ

ડીસાના ભીલડી હાઈવે પર થયો ગોઝારો અકસ્માત : જીપે બાઈક સવારોને ઉલાળ્યા

ડિસા : આજકાલ રસ્તાઓ પર બેજવાબદારીપૂર્વક વાહન ચલાવવાનું દુષણ ખુબ વધી ગયું છે. આના લીધે અનેક લોકોને અણધાર્યું નુકશાન પહોચી જાય છે અને અનેક નિર્દોષોના પરિવારનો માળો વિખેરાય જાય છે. આવીજ વધુ એક ઘટના બનાસકાંઠાના ડીસા ભીલડી હાઈવે પર જોવા મળી હતી.

અહીં હાઈવે પર આવેલી વસંત હોટલ પાસે પુરપાટ ઝડપે આવી રહેલા જીપવાળાએ બાઈકને હડફેટે લેતાં બાઈક પર સવાર માતા પિતા અને તેમનો બાળક રસ્તા પર ફંગોળાઈ ગયા હતા. વાહનની ટક્કર એટલી જોરદાર હતી કે બાઈક દૂર સુધી ઢસડાયુ હતુ. આ દૂર્ઘટનામાં માતા પિતાને ગંભીર ઈજાઓ પહોંચી છે. પરંતુ નાના બાળકનો આબાદ બચાવ થયો છે.

અકસ્માત થયા બાદ તુરંત જ નાનુ બાળક પોતાની માતા પાસે પહોંચે છે. તો બીજી તરફ જે જીપવાળાએ બાઈકને ટક્કર માર્યા બાદ આ વાહન પણ આગળ જતાં બેલેન્સ ગુમાવતુ નજરે પડે છે. હીટ એન્ડ રનની ઘટનાને પગલે આસપાસના લોકોએ ઘાયલોને સારવાર માટે હોસ્પિટલમા ખસેડ્યા હતા. જ્યારે ટક્કર મારીને ફરાર થઈ જનાર વાહન ચાલકની શોધખોળ હાથ ધરાઈ છે. આ સમગ્ર ઘટના cctvમાં કેદ થઈ ગઈ હતી.

(11:46 pm IST)
  • કેનેડાના પ્રધાનમંત્રી જસ્ટીન ટ્રુડેઉ તેમના પરિવાર સાથે આજે ભારતની ૭ દિવસીય યાત્રા માટે દિલ્હી પહોચ્યા હતા. પ્લેનમાંથી બહાર નીકળીને તેમણે પરિવાર સહિત, ભારતીય મુદ્રામાં નમસ્તે કહીને લોકોનું અભિવાદન જીલ્યું હતું. access_time 10:47 am IST

  • ટીમ ઇન્ડીયાએ સાઉથ આફ્રિકાને જોહાનિસબર્ગનાં વાંડરર્સ સ્ટેડિયમમાં રમાયેલ પ્રથમ ટી-20 મેચમાં 28 રન સાથે કારમો પરાજય આપ્યો છે. આ સાથે જ વિરાટ બ્રિગેડે ત્રણ મેચોની આ ટી-20 સિરીઝમાં 1-0ની લીડ મેળવી લીધી. ટીમ ઇન્ડીયાનાં માટે ભુવનેશ્વર કુમારે 4 ઓવરની બેટિંગ સાથે 24 રન આપીને 5 વિકેટ હાંસલ કરી હતી. access_time 11:50 pm IST

  • ઈન્ટરનેટ પર તહેલકો મચાવનાર પ્રિયા પ્રકાશ બની 'અમુલ' ગર્લ : અમુલે ટ્વિટર, ફેસબુક એકાઉન્ટ પર પ્રિયા પ્રકાશનો ફોટો શેર કર્યો છે. પ્રિયા પ્રકાશને પોસ્ટરમાં સ્કૂલ ગર્લ દર્શાવી છે. પોસ્ટરમાં આંખ મારતી પ્રિયા પ્રકાશના હાથમાં બ્રેડ-બટર છે. ટેગલાઈન વિંક ઓલ, વિંક ઓલ, લિટલ સ્ટાર આપી છે. access_time 4:39 pm IST