Gujarati News

ગાંધીનગર:જિલ્લામાં જુગારની પ્રવૃતિ વધી રહી છે ત્યારે સાંતેજ પોલીસે બાતમીના આધારે નાંદોલી ગામમાં મંદિર બહાર ઓટલા ઉપર જુગાર રમતાં નાંદોલી ગામના ઈશ્વરજી કાનાજી ઠાકોર, રાધુજી જુહાજી ઠાકોર, ધર્મેશજી ગાભુજી ઠાકોર, રમેશજી ચંદુજી ઠાકોર, અમરતજી ઈશ્વરજી ઠાકોર, રાજુજી પ્રહલાદજી ઠાકોર અને મેલાજી બોઘાજી ઠાકોરને જુગાર રમતાં ઝડપી લીધા હતા જેમની પાસેથી ર૭૪૭૦ની રોકડ કબ્જે કરવામાં આવી હતી. તો બીજી બાજુ પેથાપુર પોલીસ ટીમે બાતમીના આધારે રાંધેજાની સીમમાં કાણીયું તળાવની બાજુમાં જુગાર રમતાં લાલાજી ભવાનજી ઠાકોર, ભરતભાઈ નટવરભાઈ પરમાર, રાજેશ કનુભાઈ ઠાકોર, રમેશજી વરવાજી ઠાકોર અને અરવિંદભાઈ સોમાભાઈ પટેલને જુગાર રમતાં ઝડપી લઈ તેમની પાસેથી ૫૧૫૦ની રોકડ કબજે કરીને જુગાર ધારા ઉપરાંત કોરોના કાળમાં એકઠા થવા બદલ જાહેરનામાં ભંગનો ગુનો પણ નોંધ્યો હતો. તો કલોલ તાલુકા પોલીસ પેટ્રોલીીંગમાં હતી તે દરમ્યાન છત્રાલ ગામની સીમમાં તલાવડીવાળા નેળીયાની પાછળ જુગાર રમતાં છત્રાલના મહેશજી જવાનજી ઠાકોર, અરવીંદ કાળાભાઈ રાવળ, સતપાલસિંહ કાલુસિંહ સરદાર તેમજ કલોલ ઈસંડના ટીનાજી આત્મારામ ઠાકોરને જુગાર રમતાં ઝડપી પાડયા હતા જેમની પાસેથી ૧૦૨૯૦ની રોકડ કબ્જે કરીને કાયદેસરની કાર્યવાહી હાથ ધરી હતી.