News of Wednesday, 17th January 2018

સુરતમાં જૈનાચાર્ય શાંતિસાગર સામે ધાર્મિક વિધિના બહાને કોલેજિયન યુવતી પર દુષ્કર્મ કરવાના કેસમાં ચાર્જશીટ ફાઈલ થઈ

સુરત : સુરતના નાનપુરા વિસ્તારમાં આવેલા એક ઉપાશ્રય ખાતે ધાર્મિક વિધિના બહાને કોલેજિયન યુવતી પર બળાત્કાર ગુજારવાના કેસમાં હાલ લાજપોર જેલમાં રહેલા જૈનાચાર્ય શાંતિસાગર સામે પોલીસે 250 પાનાની ચાર્જશીટ કોર્ટમાં રજૂ કરી હતી.

ગઈ તા. 1-10-2017ના રાત્રે સાડા આઠ વાગ્યાથી સાડા નવ વાગ્યાના સમયગાળામાં નાનપુરા, ટીમલિયાવાડ, મહાવીર દિગમ્બર જૈન મંદિરની બાજુમાં આવેલા રૂમમાં આચાર્ય શાંતિસાગર મહારાજે 19 વર્ષીય કોલેજિયન યુવતી પર બળાત્કાર ગુજાર્યો હતો.

આ યુવતી મૂળ રાજસ્થાનની વતની છે પણ હાલ વડોદરામાં અભ્યાસ કરી રહી છે. જેનો પરિવાર રાજસ્થાનથી સુરત આચાર્ય મહારાજના દર્શન કરવા આવ્યો હતો તે વખતે આ યુવતી વડોદરાથી આવી હતી. યુવતીના માતા-પિતા અને ભાઈને અન્ય એક રૂમમાં વિધિ કરવાના બહાને બેસાડી દીધા બાદ આચાર્ય શાંતિસાગરે આ યુવતીને પોતાના રૂમમાં વિધિ કરવા બોલાવી હતી. જ્યાં તેની પર બળાત્કાર ગુજાર્યો હતો. ઘટનાના 13 દિવસ બાદ એટલે કે તા. 13-10-2017ના રોજ અઠવા લાઇન્સ પોલીસ મથકમાં આચાર્ય શાંતિસાગર સામે આ યુવતીએ બળાત્કારનો ગુનો નોંધાવવાની હિંમત કરી હતી. પોલીસે આચાર્યની જે તે વખતે જ ધરપકડ કરી જેલ હવાલે કર્યો હતો.

જેની સામે 250 પાનાની ચાર્જશીટ મંગળવારે કોર્ટમાં રજૂ કરાઈ હતી. જેમાં 33ના નિવેદનો અને મોબાઇલ ફોનની વિગતો પુરાવા રૂપે રજૂ કરવામાં આવ્યાં છે. તો યુવતીનો અને શાંતિસાગરનો મોબાઈલ ફોન પરિક્ષણ માટે એફએસએલમાં મોકલ્યા છે. જે હજુ આવ્યા નથી. ત્યાંથી રિપોર્ટ આવ્યા બાદ પોલીસ પુરવણી ચાર્જશીટ રજૂ કરશે. આ મોબાઇલ ફોનમાં આચાર્ય શાંતિસાગરે યુવતીના નગ્ન ફોટો મગાવ્યા હતા તે છે જેથી એફએસએલનો રિપોર્ટ આવ્યા બાદ પોલીસને મજબૂત પુરાવો મળી જશે.

(4:19 pm IST)
  • વિશ્વની સૌથી મોટી ક્રિપ્ટોકરન્સી બિટકોઇનના મૂલ્યમાં 1 લી ડિસેમ્બર પછી પ્રથમ વખત લક્ઝમબર્ગના બિટસ્ટેમ્પ એક્સચેન્જમાં 11% ઘટીને 10,000 ડોલર (₹ 6.4 લાખ) થઈ છે. બિટકોઇનના નિયમનને લઈને થઈ રહેલ ચિંતાઓ વચ્ચે આ ઘટાડો નોંધાયો છે. નોંધપાત્ર રીતે, ડિસેમ્બરમાં બિટકોઇનની કિંમત લગભગ 20,000 ડોલરના ઉચ્ચતમ સ્તર સુધી પહોંચી હતી. access_time 11:08 pm IST

  • સંજય લીલા ભણસાલીની ફિલ્મ પદ્માવતનું નામ બદલવામાં આવ્યું છે અને એમાં કેટલાક મોટા ફેરફારો પણ કરવામાં આવ્યા છે, આમ છતાં ગુજરાત, હરિયાણા સહિત 6 રાજ્યોમાં આ ફિલ્મ પર પ્રતિબંધ મુકવામાં આવ્યો છે, જેની સામે ફિલ્મના નિર્માતાઓ સુપ્રીમ કોર્ટના દ્વારે પહોચ્યા છે. સેન્સર બોર્ડે ફિલ્મ પાસ કરી હોવા છતાં રાજ્યોએ ફિલ્મ પર પ્રતિબંધ મુકવામાં આવ્યો છે. access_time 3:01 pm IST

  • ચાર્ટર્ડ એકાઉન્ટન્ટ્સ ઇન્સ્ટિટ્યૂટ ઓફ ઇન્ડીયાએ ICAI CA CPTની પરીક્ષાના પરિણામો ઓફિશિયલ વૅબસાઇટ પર કર્યા જાહેર : icaiexam.icai.org, caresults.icai.org અને icai.nic.in વેબ્સાઈટ પર જોઈ શકાશે રિઝલ્ટ્સ. access_time 8:51 pm IST