News of Wednesday, 17th January 2018

માંડવીના પીપરીયા ગામને દેશના પ્રથમ સ્માર્ટ વિલેજનો એવાર્ડ : સરકારની વિવિધ યોજનાઓ મારફત ગામને સ્માર્ટ બનાવાયું

સુરત : સુરત જિલ્લાના માંડવી તાલુકામાં આવેલા આદિવાસીઓની બહુમત વસ્તી ધરાવતા પીપરીયા ગામને ભારત દેશના પ્રથમ સ્માર્ટ વિલેજ એવોર્ડ માટે પસંદ કરાયું છે. પબ્લીક પ્રાઇવેટ પાર્ટનરશીપ (પીપીપી)ને બદલે ૧૫૦૦ની વસ્તી ધરાવતા આ ગામને સરકારની વિવિધ યોજનાઓ મારફત જ સ્માર્ટ બનાવાયું છે.

સુરતના માંડવી તાલુકાના અંતરીયાળ  વિસ્તારમાં આવેલા પીપરીયા ગામમાં ૯૫ ટકા આદિવાસીઓની અને ૫ ટકા કોળી પટેલોની વસ્તી છે. ગામમાં મોટાભાગની જમીન ૭૩ એએ (આદિવાસીઓ માટેની) હોવાથી ગામની જમીનો બિનખેતી થઇ શકતી નથી. તેથી અહી પીપીપી દ્વારા વિકાસ કરવો અશક્ય હતો. જેથી સરકારની યોજાનાઓ થકી આ ગામને સ્માર્ટ વિલેજ બનાવાયું છે એમ સુરત જિલ્લા વિકાસ અધિકારી શ્રી કે. રાજેશે જણાવ્યું હતું.

ગામમાં મુખ્ય મુદ્દો રોજગારીનો હતો. જેથી ગામની ૧૦૦ જેટલી મહિલાઓને ગાયો આપીને તેમને પશુપાલન તેમજ દૂધના વ્યવસાય સાથે સાંકળી લેવાતા તેમની આવકનો સ્ત્રોત ઉભો થયો છે. એનઆરઆઇઓના કેટલાક ગામોમાં હોય છે તેવી તમામ સુવિધા આ ગામમાં સરકારી યોજના મારફત ઉપલબ્ધ કરાવાઇ છે. જેને પગલે સ્માર્ટ ગામ બનેલા પીપરીયા ગામને દેશના પ્રથમ સ્માર્ટ વિલેજનો એવોર્ડ મળ્યો છે. તા.૨૦ જાન્યુઆરીએ નવી દિલ્હી ખાતે કેન્દ્રીય ગૃહમંત્રી રાજનાથસિંહના હસ્તે કલામ ઇનોવેશન ઇન ગવર્નન્સ એવોર્ડ પીપરીયા ગામને એનાયત થશે.

(4:20 pm IST)
  • સુરક્ષા કારણોસર મોદી- નેતન્યાહૂ અમદાવાદ રોડ શો દરમિયાન ખુલ્લા વાહનમાં ન બેઠા access_time 12:31 pm IST

  • સેન્સેક્સે આજે રેકોર્ડ બનાવ્યો છે. સેન્સેક્સ પ્રથમવાર 35039.12ને પાર જ્યારે નિફ્ટી 10,775 પોઈન્ટ પર પહોંચ્યો છે. આજે બપોરે 2.49 વાગ્યે સેન્સેક્સ 268 અંક ઊછળીને 35039.12ની અત્યાર સુધીની સર્વોચ્ચ સપાટી હાંસલ કરીને નવો રેકોર્ડ બનાવ્યો છે. access_time 4:32 pm IST

  • સેન્ચ્યુરીયનમાં બીજા મેચ સાથે ટેસ્ટ શ્રેણીમાં દક્ષિણ આફ્રિકા સામેની હાર પર ભારતીય સુકાની વિરાટ કોહલીએ કહ્યું હતું કે, મેચની પ્રથમ ઇનિંગ્સમાં તેમના 153 રનનો હવે કોઈ અર્થ નથી રહેતો. તેમણે કહ્યું હતું કે, "બોલરોએ તેમનું કામ સારી રીતે કર્યું હતું, પરંતુ બેટ્સમેનોએ ફરી એક વખત ટીમને નિરાશ કરી છે." access_time 7:46 pm IST