Gujarati News

Gujarati News

News of Wednesday, 16th September 2020

અરવલ્લી જિલ્લાના વડામથક મોડાસા નજીક પસાર થતી કારમાંથી પોલીસે બાતમીના આધારે 1.50 કરોડની કિંમતનો ચરસનો જથ્થો ઝડપી યુવકની ધરપકડ કરી

અરવલ્લી:જિલ્લાના વડામથક મોડાસા નજીકથી પસાર થતી એક વાદળી કલરની દિલ્હી પાસીંગ વેગનઆર કારમાંથી રાજય નારકોટીક્સ કન્ટ્રોલ બ્યુરો ટીમે રૂ.૧.૫૦ કરોડની કિંમતનો ૧૬ કીલો ચરસનો ગેરકાયદેસર જથ્થો ઝડપી પાડયો હતો.એનસીબી આ જથ્થા સાથે એક કાશ્મીરી યુવકને ઝડપ્યો હોવાની માહિતી સૂત્રો દ્વારા મળી હતી.પરંતુ આરોપીને મોડાસા રેસ્ટ હાઉસમાં લઈ જવાયા બાદ કલાકો સુધી એનસીબી ટીમે રહસ્યમઈ રીતે કંઈપણ માહિતી આપવાનો ઈન્કાર કરી દીધો હતો.

રાજયમાં નારકોટીક્સ બ્યુરોની કામગીરી સામે જ સવાલો સર્જાય તેટલા પ્રમાણમાં રાજયમાં ડ્રગ્સનો જથ્થો ડ્રગ પેડલર દ્વારા ઘુસાડાય છે.તાજેતરમાં મુંબઈ થી અમદાવાદ લઈ જવાતો રૂ.૧ કરોડની કિંમતનો એમડી ડ્રગ્સનો જથ્થો વડોદરા એક્સપ્રેસ હાઈવે ના ટોલપ્લાઝા નજીકથી ઝડપી પડાયો હતો.આ બનાવના ગણતરીના દિવસોમાં જ મોડાસા નજીકથી રૂ.૧.૫૦ કરોડની કિંમતનો અંદાજે ૧૬ કીલો ચરસ નો જથ્થો ઝડપાયો હતો. સ્થાનિક પોલીસ ઉંઘતી ઝડપાઈ હોય એમ આ ગેરકાયદેસર ડ્રગ્સનો જથ્થો રાજય નારકોટીક્સ કન્ટ્રોલ બ્યુરોની ટીમ દ્વારા મોડાસા નજીક ખાનગી કારમાં ર્વાચ ગોઠવી ઝડપી પડાયો હતો.આ જથ્થાની હેરાફેરીમાં સંડોવાયેલ એક કાશ્મીરી યુવકને ટીમે ઝડપી પાડયો હોવાનું સૂત્રો દ્વારા જણાવાયું હતું.પરંતુ ઝડપાયેલ આરોપી અને ચરસનો જથ્થો મોડાસા ખાતે રેસ્ટ હાઉસમાં લઈ જવાયા બાદ છાપો મારનાર એનસીબી ટીમે આ બનાવમાં વધુ કંઈ પણ માહિતી આપવાની ધરાર ના પાડી રહસ્ય સર્જયું હતું.

 

(5:06 pm IST)
  • દેશમાં કોરોનાનો કહેર યથાવત :રાત્રે 11-30 વાગ્યા સુધીમાં નવા 97.856 પોઝીટીવ નોંધાયા : કુલ કેસની સંખ્યા 51.15.893 થઇ : એક્ટિવ કેસ 10.09.886 થયા : વધુ 82,922 દર્દીઓ સ્વસ્થ થતા 40.22.049 રિકવર થયા : વધુ 1140 લોકોના મોત : મૃત્યુઆંક 83,230 થયો access_time 1:06 am IST

  • આઈપીએલ માટે તમામ ટીમોમાં સૌથી મોટો પડકાર ગરમી હશે : મુંબઈ ઈન્ડિયન્સ ટીમના બોલર ટ્રેન્ટ બોલ્ટે કહ્યુ કે આઈપીએલની આ સીઝનમાં તમામ ટીમો માટે સૌથી મોટો પડકાર દુબઈની ગરમ અને ભેજવાળી સ્થિતિમાં એડજસ્ટ થવાનો રહેશે : હાલમાં ન્યુઝીલેન્ડમાં શિયાળો હોય છે જયારે અહિં ૪૫ ડિગ્રી તાપમાનમાં રણની વચ્ચે શરીરને ઢાળવવુ પડશે access_time 3:31 pm IST

  • ડ્રગ્સ રેકેટ મામલે સંસદમાં ચર્ચા બાદ આજે રાજ્યસભા જયા બચ્ચને કહ્યું કે, હું રવિ કિશનની વાત સાથે સહેમત, યુવાનોને ડ્રગ્સની લતથી બચાવવાની જરૂર: પરંતુ સમગ્ર બોલીવુડને દોષ આપવો ખોટો છે access_time 1:04 am IST