Gujarati News

Gujarati News

News of Wednesday, 16th September 2020

સુરત: પીસીબીએ સાતવલ્લા પુલ નજીક કારમાં બે મહિલાઓ સાથે દારૂની ડિલિવરી કરતા વલસાડના દંપતીને ઝડપી પાડયા

સુરત: શહેરમાં પીસીબીએ સચીન સાતવલ્લા પુલ પાસેથી કારમાં બે મહિલાઓ સાથે સુરતમાં દારૂની ડીલીવરી આપવા આવતા વલસાડના કિલ્લા પારડીના દંપત્તીને રૂ.53,300 ના દારૂ સાથે ઝડપી પાડી સુરતના બે ને પણ બાદમાં ઝડપી લીધા હતા. 

ઉપરાંત, પીસીબીએ જ પુણા સીમાડા કેનાલ રોડ ઉપર રક કારમાંથી ઉધનાના યુવાનને રૂ.37,544 ની કિંમતની વ્હીસ્કીની બોટલો સાથે ઝડપી લીધો હતો. અગાઉ પ્રિન્ટીંગનું કામ કરતા યુવાનની આર્થિક સ્થિતી લોકડાઉનમાં બગડતા તેણે દારૂનો ધંધો શરૂ કર્યો હતો.

પીસીબીના સૂત્રો દ્વારા પ્રાપ્ત થતી વિગતો મુજબ હેડ કોન્સ્ટેબલ વિપુલભાઈ મંગુભાઇ અને જીતેન્દ્રભાઈ મોહનભાઇને મળેલી બાતમીના આધારે પીસીબીએ સચીન સાતવલ્લા પુલ પાસે ઉમા કોલ્ડ સ્ટોરેજ તરફ જવાના રોડ ઉપર કાર ( નં.જીજે-15-સીજે-9235 ) માંથી સુનીલ રમેશભાઈ પટેલ ( ઉ.વ.32 ), તેની પત્ની આરતી ( ઉ.વ.27 ) તેમજ ગીતાબેન બાલુભાઈ પટેલ ( ઉ.વ.51), માયાબેન મનોજભાઈ પટેલ ( ઉ.વ.35 ) ( તમામ રહે. કિલ્લા પારડી ગામ, ડુંગરી ફળીયું, પોણીયા રોડ, તા.પારડી, જી, વલસાડ ) ને રૂ.53,300 ની કિંમતની દારૂની 107 બોટલ સાથે ઝડપી પાડી તેમની પાસેથી ત્રણ મોબાઈલ ફોન અને કાર મળી કુલ રૂ.4,63,800 નો મુદ્દામાલ કબ્જે કર્યો હતો. પીસીબીએ તેમની પુછપરછના આધારે દારૂનો જથ્થો મંગાવનાર સંજય દિનેશચંદ્ર પપૈયાવાળા ( રહે.સત્યનગર સોસાયટી, ઉધના, સુરત ) અને પરેશ બાલુભાઈ પટેલ ( રહે.મલગામા ગામ, તા.ચીર્યાસી, જી,સુરત ) ને પણ બાદમાં ઝડપી પાડી વધુ કાર્યવાહી હાથ ધરી હતી.

(5:05 pm IST)
  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST

  • ચીન સામેના યુદ્ધમાં પ્રાણોની આહુતિ આપવા માટે પીછેહટ નહિ કરીએ :શિયા ધર્મગુરૂએ વડાપ્રધાનને લખ્યો પત્ર : ઇમામ-એ-જુમા અને શિયા ધર્મગુરૂ મૌલાના કલ્બે જવાદે કહ્યું કે લેહ અને લદ્દાખના શિયા મુસ્લિમ ભારતની સાથે અને ચીનની વિરુદ્ધ દરેક પગલા પર ઉભા રહેશે: ભારતના કોઇ પણ નિર્ણયની સાથે અમારી કોમ એકતાથી તમામ મુદ્દા પર સમર્થન આપશે. તેના માટે જીવ ગુમાવવાનો વારો આવે તો પણ અમે જરા પણ ખટકાટ અનુભવીશું નહીં access_time 8:58 am IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST