Gujarati News

Gujarati News

News of Wednesday, 16th September 2020

વડોદરાના માણેજા વિસ્તારમાં એકલવાયું જીવન જીવતી મહિલાની નોકરી છૂટી જતા પંખા પર લટકી આપઘાત

વડોદરા: શહેરના માણેજા વુડાના મકાનમાં એકલવાયું જીવન જીવતી મહિલાની નોકરી લોકડાઉનના કારણે છૂટી જતા તેણે ઘરે પંખા પર લટકીને આપઘાત કરી લીધો છે.

પતિના અવસાન બાદ ૬૨ વર્ષના જેતુનબીબી નવાબ શેરખાન એકલવાયું જીવન જીવતા હતાં. અને સયાજીગંજ વિસ્તારની એક હોટલમાં નોકરી કરતા હતાં. પરંતુ લોકડાઉનના કારણે હોટલો બંધ થઇ જતા તેમની નોકરી છૂટી ગઇ હતી આજુબાજુમાં રહેતા પાડોશીઓ તેમને જમવાનું આપી જતા હતા.

ગઇકાલે સાંજે પાડોશી તેમને ચા આપવા ગયા તે સમયે જેતુનબીબીને પંખા પર લટકતા જોઇ પોલીસને જાણ કરી હતી. મકરપુરા પોલીસે બનાવ અંગે કાયદેસરની કાર્યવાહી હાથ ધરી છે.

(5:04 pm IST)
  • પાકિસ્તાનની સંસદે ભારતીય નાગરિક કુલભૂષણ જાધવને લગતા વટહુકમની મુદત ચાર મહિના સુધી વધારી દીધી છે. વટહુકમથી જાધવને તેમની સજા સામે ઉપલી કોર્ટમાં અપીલ દાખલ કરવાની મંજૂરી આપવામાં આવી છે. access_time 10:59 pm IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • દેશમાં કોરોનાનો વધતો કહેર : રાત્રે 11-45 વાગ્યા સુધીમાં નવા 91.016 પોઝીટીવ કેસ નોંધાયા :1280 લોકોના મોત : કુલ કેસની સંખ્યા 50.17.930 થઇ :9,96,079 એક્ટીવ કેસ :વધુ 82,802 દર્દીઓ સ્વસ્થ થતા કુલ 39.39,048 રિકવર થયા : વધુ 1280 લોકોના મોત સાથે મૃત્યુઆંક 82,088 થયો access_time 12:23 am IST