Gujarati News

Gujarati News

News of Wednesday, 16th September 2020

હાઇકોર્ટમાં આજથી થનાર પ્રત્યક્ષ સુનાવણી મોકૂફ

વિડીયો કોન્ફરન્સથી જ સુનાવણી થશે : વધુ આદેશો ન આવે ત્યાં સુધી પ્રત્યક્ષ સુનાવણી નહિ થાય : હાઇકોર્ટની સ્ટેન્ડીંગ કમીટીનો નિર્ણય

અમદાવાદ, તા. ૧૬ : ગુજરાત હાઇકોર્ટમાં ૧૬મી સપ્ટેમ્બરથી પ્રત્યક્ષ સુનાવણીનું પુનઃ શરૂ કરવાનો હાલ પૂરતો નિર્ણય મોકૂફ રાખવામાં આવ્યો છે. હાઇકોર્ટની સ્ટેન્ડીંગ કમીટીએ લીધેલા નિર્ણય અંગેનો પરિપત્ર જારી કરવામાં આવ્યો છે કે વધુ આદેશો ન આવે ત્યાં સુધી હાઇકોર્ટમાં પ્રત્યક્ષ સુનાવણી યોજવાનો નિર્ણય મોકૂફ રખાયો છે.

કોરોનાની મહામારીના કારણે માર્ચ મહિનાના મધ્ય ભાગથી હાઇકોર્ટમાં વીડીયો કોન્ફરન્સિંગથી સુનાવણીની શરૂઆત કરવામાં આવી હતી. જોકે અનલોક લાગુ થતાં હાઇકોર્ટે ૧૬મીથી પ્રત્યક્ષ સુનાવણી યોજવાનો નિર્ણય કર્યો હતો. જેમાં અમુક ક્રિમીનલ અપીલો તેમજ સૌથી જુના સીવિલ કેસોની સુનાવણી પ્રત્યક્ષ કરવાનું નક્કી કરાયું હતું જે અંગે સ્ટાન્ડર્ડ ઓપરેશન પ્રોસિજર પણ જારી કરવામાં આવી હતી. જોકે ૧૪મી સપ્ટેમ્બરના રોજ હાઇકોર્ટની સ્ટેન્ડીંગ કમીટીની બેઠક મળી હતી.

જેમાં હાલના સંજોગોને ધ્યાનમાં રાખીને પ્રત્યક્ષ સુનાવણીને મોકૂફ રાખવામાં આવી છે. આ ઉપરાંત પ્રત્યક્ષ સુનાવણી માટે જે કેસો લીસ્ટ નિયત કરવામાં આવ્યા હતાં તેની સુનાવણી વીડીયો કોન્ફરન્સથી યોજવામાં આવશે.

(11:25 am IST)
  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST

  • વડોદરામાં પુર્વ મેયર અને કોર્પોરેટર ભરત ડાંગર કોરોનાની ઝપટે ચડ્યા: ટીવટરમાં આપી જાણકારી: તેઓએ તેમના સંપર્કમાં આવેલ લોકો ટેસ્ટ કરવા કરી અપીલ access_time 10:32 pm IST

  • આઈપીએલ માટે તમામ ટીમોમાં સૌથી મોટો પડકાર ગરમી હશે : મુંબઈ ઈન્ડિયન્સ ટીમના બોલર ટ્રેન્ટ બોલ્ટે કહ્યુ કે આઈપીએલની આ સીઝનમાં તમામ ટીમો માટે સૌથી મોટો પડકાર દુબઈની ગરમ અને ભેજવાળી સ્થિતિમાં એડજસ્ટ થવાનો રહેશે : હાલમાં ન્યુઝીલેન્ડમાં શિયાળો હોય છે જયારે અહિં ૪૫ ડિગ્રી તાપમાનમાં રણની વચ્ચે શરીરને ઢાળવવુ પડશે access_time 3:31 pm IST