Gujarati News

Gujarati News

News of Wednesday, 16th September 2020

ગુજરાતમાં રોજ ચાર માસુમ બાળકી દુષ્કર્મનો શિકાર

દુષ્કર્મના વધુ કેસો મામલે ગુજરાત દેશમાં ચોથા ક્રમેઃ ગુજરાતમાં ત્રણ વર્ષના સમયગાળામાં પોકસોના ૩,૭૪૩ કેસ

નવી દિલ્હી,તા.૧૬ : ગુજરાતમાં વર્ષ ૨૦૧૬થી ૨૦૧૮ એમ ત્રણ વર્ષના સમય ગાળામાં બાળકીઓ પર દુષ્કર્મની ૩,૭૪૩ ઘટનાઓ બની છે, પોકસો કાયદા હેઠળની દુષ્કર્મની ઘટનાઓ સતત વધી રહી છે, વર્ષ ૨૦૧૬માં ૧,૦૫૪, વર્ષ ૨૦૧૭માં વધીને ૧,૨૩૩ તો વર્ષ ૨૦૧૮માં વધીને ૧,૪૫૬ ઘટનાઓ પોલીસ ચોપડે નોંધાઈ છે.

ગુજરાતમાં વર્ષ ૨૦૧૮માં રોજ ચાર બાળકી પીંખાઈ છે તેમ કેન્દ્રના ગૃહ મંત્રાલયના લેટેસ્ટ રિપોર્ટમાં જણાવાયું છે. બાળકીઓ સાથે દુષ્કર્મની ઘટનાઓ બાદ કાયદામાં કડક જોગવાઈ પછીયે ઘટનાઓનું પ્રમાણ વધી રહ્યું છે, જે ચિંતાનો વિષય છે. વર્ષ ૨૦૧૮માં બાળકીઓ પર દુષ્કર્મની દેશમાં કુલ ૨૧,૬૦૫ ઘટનાઓ બની છે. સૌથી વધુ ઘટનાઓ મહારાષ્ટ્રમાં ૨,૮૩૨ બની છે.

બીજા નંબરે ઉત્ત્।ર પ્રદેશમાં ૨,૦૨૩, ત્રીજા ક્રમે કર્ણાટકમાં ૧,૪૫૭ અને ચોથા ક્રમે ગુજરાતમાં ૧,૪૫૬ ઘટનાઓ બની છે. આ ઉપરાંત ઓડિસામાં ૧,૪૨૭, પશ્યિમ બંગાળમાં ૧,૩૭૮, છત્ત્।ીસગઢમાં ૧,૨૧૪, તેલંગાણામાં ૧,૧૪૦, હરિયાણામાં ૧,૦૬૮, મધ્યપ્રદેશમાં ૧,૦૪૭ ઘટનાઓ બની છે.  ઉલ્લેખનીય છે કે પોકસોના કેસોમાં આરોપીઓને સજાનું પ્રમાણ પણ નહિવત્ છે. (૨૫.૫)

ગુજરાતમાં માર્ચ ૨૦૨૦ સુધીના એક વર્ષમાં ૬૫ કસ્ટોડિયલ ડેથ

ગુજરાતમાં પહેલી એપ્રિલ ૨૦૧૯થી ૩૧મી માર્ચ ૨૦૨૦ના એક વર્ષના અરસામાં કસ્ટોડિયલ ડેથની કુલ ૬૫ ઘટનાઓ બની છે. રાષ્ટ્રીય માનવ અધિકાર પંચ પાસેથી આ સત્ત્।ાવાર માહિતી મંગળવારે સામે આવી છે. ગુજરાતમાં જે કુલ ૬૫ ઘટના બની છે તેમાં પોલીસ કસ્ટડીમાં ૧૨નાં મોત થયા છે તો જયુડિશિયલ કસ્ટડી હેઠળ ૫૩ના મોત થયાં છે. દેશમાં કુલ પોલીસ કસ્ટડીમાં ૧૧૩ અને જયુડિશિયલ કસ્ટડીમાં ૧,૫૮૪ મૃત્યુ થયા છે. આમ દેશમાં કસ્ટોડિયલ ડેથની કુલ ૧,૬૯૭ ઘટના બની છે. દેશમાં ૧૧૨ના એન્કાઉન્ટર થયા છે, ગુજરાતમાં એક પણ ઘટના બની નથી.

 

(11:24 am IST)
  • જો સંતુલિત ટીમ ના હોય તો તમારે વધુ સક્રિય થવુ જોઈએ : આરસીબીના કેપ્ટન વિરાટ કોહલીનું માનવું છે કે આઈપીએલમાં બેંગ્લોરની ટીમ ૨૦૧૬ પછી પહેલીવાર સંતુલિત છે access_time 3:32 pm IST

  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST

  • રાજસ્થાનમાં ફરી રાજકીય તણાવના એંધાણ : ગેહલોતના મંત્રી વિરુદ્ધ ધારાસભ્યે ખોલ્યો મોરચો : ગજેન્દ્રસિંહ શેખાવતે કહ્યું હવે શરૂ થશે નકારાનિકમ્મા પાર્ટ-2: ખાણ વિભાગના મંત્રી પ્રમોદ જૈન ભાયાનું નામ લીધા વિના ધારાસભ્ય ભરતસિંહે લખેલ પત્રમાં કહેવાયું કે મુખ્યમંત્રીએ રાજ્યના પ્રભારી મંત્રીઓને બદલી નાખ્યા પરન્તુ સૌથી ભ્રષ્ટ મંત્રીને હજુ સુધી બરખાસ્ત કર્યા નથી access_time 8:58 am IST