Gujarati News

Gujarati News

News of Saturday, 16th January 2021

એચ.એલ.કોલેજ રોડ પર યુવતીને તમાચો મારનાર હેડ કોન્સ્ટેબલને તાત્કાલિક અસરથી સસ્પેન્ડ કરાયો

સમગ્ર ઘટનાનો વીડિયો સોશિયલ મીડિયામાં વાયરલ થતા ડીસીપી ઝોન 1 ડૉ. રવિન્દ્ર પટેલનો આકરો નિર્ણંય : તપાસ બી ડિવિઝન એસીપીને સોંપાઈ

અમદાવાદ : નવરંગપુરાના એચ.એલ.કોલેજ રોડ પર નવરંગપુરા પોલીસની મોબાઈલ વાને માસ્ક મુદ્દે યુવકને દંડ ભરવા જણાવ્યું હતું. પોલીસ અને યુવક વચ્ચે આ બાબતે રકઝક થતા પોલીસે યુવકને જબરજસ્તી પકડીને મોબાઈલ વણમાં બેસાડ્યો તે સમયે ત્યાં હાજર યુવતીએ બુમાબુમ કરતા પોલીસ હેડ કોન્સ્ટેબલે યુવતીને તમાચા મારી દીધા હતા

 . આ સમગ્ર ઘટનાનો વીડિયો સોશિયલ મીડિયામાં વાયરલ થતા ડીસીપી ઝોન 1 ડૉ. રવિન્દ્ર પટેલએ પોલીસ કોન્સ્ટેબલ વિક્રમસિંહને તત્કાળ અસરથી સસ્પેન્ડ કરવાનો હુકમ કર્યો હતો. આ મામલાની તપાસ બી ડિવિઝન એસીપી એલ.બી.ઝાલાને સોંપવામાં આવી છે

  નવરંગપુરા પીઆઇ આર.જે.ચુડાસમાની મોબાઈલ વાન 1માં ઓપરેટર તરીકે ફરજ બજાવતા હેડ કોન્સ્ટેબલ વિક્રમસિંહ ઇશ્વરસિંહ સહિતના સ્ટાફના માણસોએ એચ.એલ.કોલેજ રોડ પર યુવકને માસ્કના દંડ મામલે પકડ્યો હતો. યુવકે રકઝક કરતા પોલીસે તેણે મોબાઈલ વાનમાં બેસાડ્યો હતો. તે સમયે યુવતીએ પોલીસને રોકવા બુમાબુમ કરતા હેડ કોન્સ્ટેબલ વિક્રમસિંહ ઈશ્વરસિંહએ યુવતીને બે લાફા મારી દીધા હતા

આ સમગ્ર ઘટનાનો વીડિયો સોશિયલ મીડિયામાં વાયરલ થયો હતો. વીડિયોમાં બોલતા શખ્સે દાવો કર્યો હતો કે, યુવક દંડ ભરવા તૈયાર હતો છતાં પોલીસે આ કૃત્ય કર્યું અને યુવતીને લાફા માર્યા હતા.  by

ઝોન 1 ડીસીપી ડૉ. રવિન્દ્ર પટેલએ આ અંગે જણાવ્યું હતું કે, વીડિયો સોશિયલ મીડિયામાં વાયરલ થયાનું મારા ધ્યાન પર આવ્યું હતું. જેમાં યુવતીને પોલીસ જવાન લાફા મારી રહ્યો છે. આ પ્રકારનું ગેરકાયદેસર કૃત્ય કરનાર હેડ કોન્સ્ટેબલને તત્કાળ અસરથી સસ્પેન કરવામાં આવ્યા છે. બી ડિવિઝન એસીપીને આ અંગે તપાસ સોંપાઈ છે.

(9:54 pm IST)
  • કેરળમાં ચૂંટણી પહેલાનું ડાબેરી સરકારનું છેલ્લું ફુલગુલાબી બજેટ : પેનશનમાં વધારો : ખેડૂતો પાસેથી ખરીદવામાં આવતી ખેત પેદાશોના લઘુતમ મૂલ્યમાં વધારો : આરોગ્ય ક્ષેત્રે નવી ચાર હજાર નોકરીઓનું નિર્માણ : 50 લાખ યુવાનોને હુન્નર માટે કૌશલ્ય આપવાનું આયોજન : ગરીબ પરિવારોને ઓછી કિંમતે લેપટોપ અપાશે : થોડા મહિના પછી ધારાસભાની ચૂંટણી access_time 6:48 pm IST

  • રોહિત શર્મા પણ આઉટ - ૬૦/૨ : ચેતેશ્વર પૂજારા ૮ અને અજિન્કય રહાણે ૦ રને દાવમાં access_time 9:49 am IST

  • સમાજવાદી પાર્ટીના કદાવર નેતા આઝમ ખાં ને ઝટકો : જોહર યુનિવર્સીટીની 70 હેકટર જમીન યુ.પી.સરકારના નામે થઇ જશે : એસ.પી.પાર્ટીના રાજમાં સેંકડો વીઘા જમીન જોહર ટ્રસ્ટને પાણીના ભાવે અપાઈ હતી : એ.ડી.એમ.કોર્ટનો ચુકાદો access_time 8:14 pm IST