Gujarati News

Gujarati News

News of Thursday, 15th February 2018

હાર્દિક વિરૂદ્ધ ગુનો બનતો હોય તો ફરિયાદ નોંધાવો : હાઇકોર્ટ

બ્રહ્મસમાજની દિકરીઓ સામે ટિપ્પણીનો કેસઃ ગુજરાત હાઈકોર્ટની ટકોર : પાસના નેતા હાર્દિક પટેલની મુશ્કેલીઓ વધી : એક પછી એક કેસોમાં ફસાઈ રહ્યો છે

હાર્દિક વિરૂદ્ધ ગુનો બનતો હોય તો ફરિયાદ નોંધાવો : હાઇકોર્ટ

અમદાવાદ,તા. ૧૫,      બ્રહ્મસમાજના લોકો વિશે વાંધાજનક ટિપ્પણી કરવાના પ્રકરણમાં હાર્દિક પટેલની મુશ્કેલીઓ વધી છે. બ્રહ્મસમાજના લોકો વિશે વિવાદાસ્પદ ટિપ્પણી કરવાના કેસમાં પાસના યુવા નેતા હાર્દિક પટેલ વિરૂધ્ધ ફરિયાદ આપવા છતાં ચાંદખેડા પોલીસે ફરિયાદ નહી નોંધતા નારાજ બ્રહ્મસમાજ તરફથી ગુજરાત હાઇકોર્ટ સમક્ષ ખાસ ફોજદારી પરચૂરણ અરજી દાખલ કરવામાં આવી હતી. જેની સુનાવણીના અંતે જસ્ટિસ જે.બી.પારડીવાલાએ ચાંદખેડા પોલીસને હુકમ કર્યો છે કે, જો પ્રસ્તુત કેસમાં કોગ્નીઝેબલ ઓફેન્સ બનતો હોય તો પોલીસે આ કેસમાં જરૂરી ફરિયાદ નોંધવીે અને જો પોલીસને લાગે કે, આ કેસમાં ફરિયાદ નોંધવાને લાયક કોગ્નીઝેબલ ગુનો બનતો નથી તો, તે માટેના પંદર દિવસમાં કારણો આપવાના રહેશે. હાઇકોર્ટે ચાંદખેડા પોલીસ ઇન્સ્પેકટરને આ સમગ્ર મામલામાં તપાસ કરવા નિર્દેશ કર્યો છે. થોડા દિવસો પહેલાં પાસના યુવા નેતા હાર્દિક પટેલ દ્વારા એક જાહેર કાર્યક્રમમાં બ્રહ્મ સમાજ વિશે વાંધાજનક અને વિવાદીત ટિપ્પણી કરાઇ હતી. ખાસ કરીને બ્રહ્મસમાજની બે દિકરીઓ વિશે કરાયેલી વિવાદીત ટિપ્પણીને લઇ સમગ્ર બ્રહ્મસમાજમાં હાર્દિક પટેલ અને તેના સમર્થકો વિરૂધ્ધ જોરદાર આક્રોશ ફેલાયો હતો અને  બહુ મોટો વિવાદ સર્જાયો હતો. આ અંગ બ્રહ્મ સંઘર્ષ સમિતિના અભિષેક શુક્લાએ ચાંદખેડા પોલીસમથકમાં હાર્દિક પટેલ અને તેના માણસો વિરૂધ્ધ ફરિયાદ આપી હતી પરંતુ પોલીસે આ અંગેની ફરિયાદ નોંધી ન હતી.   પોલીસે આ પ્રકરણમાં માત્ર અરજી જ લીધી હતી. તેથી ૪૫ દિવસની મર્યાદા વીતી જતાં અભિષેક શુકલા દ્વારા ગુજરાત હાઇકોર્ટના દ્વાર ખખડાવવામાં આવ્યા હતા અને આ પ્રકરણમાં હાર્દિક પટેલ સહિતના જે કોઇ કસૂરવાર હોય તેઓની વિરૂધ્ધમાં કાયદેસર પોલીસ ફરિયાદ નોંધવામાં આવે તેવી દાદ માંગવામાં આવી હતી. અરજદારપક્ષ તરફથી પિટિશનમાં એવી રજૂઆત કરવામાં આવી હતી કે, ગુજરાત વિધાનસભાની ચૂંટણી વખતે પાસના નેતા હાર્દિક પટેલના અનેક કથિત સેક્સ વીડિયો ફરતા થયા હતા, તેના વિવાદમાં હાર્દિક પટેલ દ્વારા બ્રહ્મસમાજના લોકો ખાસ કરીને બે દિકરીઓ વિરૂધ્ધ વિવાદીત ટિપ્પણી કરવામાં આવતાં સમગ્ર બ્રહ્મસમાજની લાગણી દુભાઇ હતી અને બ્રહ્મસમાજમાં ઉગ્ર આક્રોશ ફેલાયો હતો. અરજદારોની માંગણી છે કે, સમગ્ર પ્રકરણમાં હાર્દિક પટેલ વિરૂધ્ધ કાયદેસર એફઆઇઆર દાખલ કરવામાં આવે. હાઇકોર્ટે અરજદારપક્ષની રજૂઆત સાંભળ્યા બાદ ઉપરમુજબ હુકમ કર્યો હતો.

(11:39 pm IST)
  • ધ્યાન દેજો...મોરબી પાસે કચ્છના નાના રણમાં 'કલ્પસર' જેવી જ પાણી સંગ્રહની શકયતા :યોજના અમલી બન્યે સૌરાષ્ટ્ર સોનુ ઉત્પન્ન થશેઃ સેતુબંધ ફાઉન્ડેશન દ્વારા વિજયભાઇ રૂપાણી સમક્ષ રજુઆત access_time 4:11 pm IST

  • ઇરાની રાષ્ટ્રપતિ હસન રૂહાની આજથી ભારતની ૩ દિવસીય યાત્રા ઉપર બપોરે ૪ વાગ્યે હૈદ્રાબાદ આવી પહોંચ્યા છે. કેન્દ્રીય મંત્રી આર.કે.સિધે તેમનું સ્વાગત કર્યું હતું access_time 4:29 pm IST

  • સ્વચ્છ ભારત મિશન ઉપર કલંક લગાવતા ભાજપના પ્રધાન : ''સ્વચ્છ ભારત'' મિશન ઉપર કલંક લગાવતા રાજસ્થાનના હેલ્થ મિનિસ્ટર કાલીચરણ સરાફ : રોડ ઉપર ખુલ્લામાં લઘુશંકા કરી : કોંગ્રેસે માફી માંગવાનું કહેતા ના પાડી દીધીઃ માથે જાતા એમ કહ્યુ કે પોલીસ ૨૦૦ રૂપિયા દંડ લઈ લ્યે બીજુ શું? આ કયાં કોઈ મોટો મુદ્દો છે? access_time 4:59 pm IST