Gujarati News

Gujarati News

News of Wednesday, 14th February 2018

રાયપુરમાં એલસીબીએ નદીની કોતરમાં દરોડા પાડી પાંચ આરોપીઓને જુગાર રમતા રંગે હાથે દબોચ્યા

ગાંધીનગર: જિલ્લામાં જુગારની પ્રવૃતિ ડામવા માટે પોલીસ દ્વારા દોડધામ કરવામાં આવી રહી છે ત્યારે ગાંધીનગર એલસીબીએ બાતમીના આધારે રાયપુર ગામની સીમમાં નદીની કોતરમાં દરોડો પાંચ આરોપીને જુગાર રમતાં રંગેહાથ ઝડપી પાડયા હતા અને તેમની પાસેથી ૬૭૦૦નો મુદ્દામાલ જપ્ત કરવામાં આવ્યો હતો.

ગાંધીનગર જિલ્લામાં છેલ્લા ઘણાં સમયથી જુગારની પ્રવૃતિ વધી રહી છે ત્યારે ગાંધીનગર એલસીબી પીઆઈ જે.ડી.પુરોહિત અને ટી.આર.ભટ્ટે સ્ટાફના માણસોને એલર્ટ રહી બાતમીદારોને સક્રિય કરી જુગારના કેસો કરવા માટે સૂચના આપી હતી. દરમ્યાનમાં એલસીબીની ટીમ પેટ્રોલીંગમાં હતી તે દરમ્યાન હે.કો.રણજીતસિંહને બાતમી મળી હતી કે રાયપુર ગામની સીમમાં નદીની કોતરોમાં જુગાર રમાડાઈ રહયો છે.

જે બાતમીના આધારે રેડ કરીને દશરથભાઈ મણીભાઈ રાવળ, કાળાજી ઉદાજી ડાભી, લક્ષ્મણભાઈ મણાભાઈ રાવળ, ભરતભાઈ ખોડાભાઈ દંતાણી અને કનુજી કાળાજી ડાભી તમામ રહે.રાયપુરને જુગાર રમતાં રંગેહાથ ઝડપી પાડયા હતા અને તેમની પાસેથી ૬૭૦૦ રોકડ રકમ મળી મુદ્દામાલ કબ્જે કરવામાં આવ્યો હતો. આ સંદર્ભે ડભોડા પોલીસ મથકમાં ગુનો નોંધવામાં આવ્યો હતો.

(6:50 pm IST)
  • દિલ્હીઃ ''આપ''ના વિધાનસભ્યોને ડીસમસ કરવા અંગે આજે કોર્ટમાં સુનાવણી access_time 4:10 pm IST

  • ૧૯ ફેબ્રુઆરી સોમવારથી ગુજરાત વિધાનસભા સત્રનો પ્રારંભ થશે access_time 3:40 pm IST

  • બિહારની ધર્મશાળામાં બોમ્બ બ્લાસ્ટ : આરા ખાતે થયેલા વિસ્ફોટનો મુખ્ય આરોપી જીતેન્દ્રકુમારની ધરપકડ : કલકત્તાથી ૫ હુમલાખોરો આવ્યા'તા : ૧ હુમલાખોર ઘાયલ, ૩ ફરાર access_time 12:25 pm IST