News of Wednesday, 14th February 2018

ખંભાત તાલુકાના વત્રા ગામે કચરા બાબતે મહિલાને દંપતિઅે ઢીબી નાખીઃ ખૂનની ધમકી

ખંભાતઃ તાલુકાના વત્રા ગામે કચરો સાફ કરતી વખતે માથાકુટ થતા મહિલાને દંપતિને માર મારીને ખુની ધમકી આપતા પોલીસ ફરિયાદ થઇ છે.

પ્રાપ્ત માહિતી મુજબ ખંભાત તાલુકાના વત્રા ગામે આજે સવારના સુમારે કચરા બાબતે દંપતીએ તકરાર કરીને મહિલાને માર મારતાં અંગે ખંભાત રૂરલ પોલીસે ગુનો દાખલ કરીને કાર્યવાહી હાથ ઘરી છે.

મળતી વિગતો અનુસાર નીતાબેન જયંતિભાઈ ઠાકોર આજે સવારના સુમારે કચરો વાળતા હતા ત્યારે બાજુમાં જ રહેતા આરતીબેન ગોપાલસિંહ ઠાકોરે ગમે તેવી ગાળો બોલીને કચરો અમારી બાજુ કેમ નાંખો છો તેમ કહ્યું હતુ જેથી નીતાબેને કચરો અમારી બાજુ સાફ કરું છુ તેમ કહેતા જ આરતીબેનના પતિ ગોપાલસિંહ આવી ચઢ્યા હતા અને ગડદાપાટુનો માર માર્યો હતો. આરતીબેન ધોકરણું લઈને આવી ચઢ્યા હતા અને નીતાબેનને ડાબી આંખ ઉપર મારી દીધુ હતુ. ત્યારબાદ જાનથી મારી નાંખવાની ધમકી આપીને ત્યાંથી પોતાના ઘરે જતા રહ્યા હતા.

(6:10 pm IST)
  • ગોવાના મુખ્યમંત્રી મનોહર પર્રિકરની તબિયત લથડી ;મુંબઈની લીલાવતી હોસ્પિટલમાં દાખલ કરાયા : access_time 1:08 am IST

  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST