News of Wednesday, 14th February 2018

અપહરણ કેસમાં સસ્‍પેન્‍ડ પોલીસ કોન્‍સ્‍ટેબલ દ્વારા બીટકોઇન માટે સુરતમાં વેપારીનું અપહરણ

સુરતઃ સુરતના સસ્‍પેન્‍ડ પોલીસ કર્મચારીઅે ચાના વેપારીનું અપહરણ કરીને બીટકોઇનની માંગણી કરતા તેની સામે પોલીસ ફરિયાદ થઇ છે.

 

પ્રાપ્ત માહિતી મુજબ સુરતના સસ્પેન્ડ પોલીસ કોન્સ્ટેબલ દ્વારા જીજ્ઞેશ પટેલ નામના ચાના વેપારીનું અપહરણ કરવાની ઘટના સુરતના ઉમરા પોલીસ મથકમાં નોંધાઇ છે. ચાના વેપારીને પોતાની ઓળખ પોલીસ બતાવી અપહરણ કર્યું અને બીટકોઈનની પણ માંગણી કરવામાં આવી. સસ્પેન્ડ કરાયેલા પોલીસકર્મીનું નામ અનિસ સૈયદ છે. જે અગાઉ પણ એક વેપારીના અપહરણ કરવાના મામલે સસ્પેન્ડ થઈ ચૂક્યો છે. તેમ છતાં બીજી વાર તેણે ફરી એક વાર વેપારીનું અપહરણ કર્યું.

જોકે પોલીસની બીકના કારણે વેપારીને ગણતરીના કલાકોમાં મુક્ત કરી દીધો હતો. ગુજરાતમાં વેપારીનું અપહરણ કરી બીટકોઈનની માંગણી કરવામાં આવી હોવાનો પ્રથમ કિસ્સો સામે આવ્યો છે. જીગ્નેશ પટેલને 3 જેટલા અજાણ્યા ઈસમો ગાડીમાં બેસાડી અપહરણ કરી લઇ ગયા હતા. બાદમાં તેને દૂર ક્યાંક છોડી મુકાયો હતો. અગાઉ ચાર પાંચ દિવસ પહેલાં મિશન સ્કૂલ પાસેથી તેનું અપહરણ કરવાની કોશિષ કરવામાં આવી હતી. પરંતુ તેમાં બાઈક અને કારમાં આવેલા ઈસમો સફળ થયાં નહોતાં. જે અંગે જીગ્નેશે અગાઉ પોલીસમાં ફરિયાદ પણ કરી હતી.

(5:59 pm IST)
  • ધ્યાન દેજો...મોરબી પાસે કચ્છના નાના રણમાં 'કલ્પસર' જેવી જ પાણી સંગ્રહની શકયતા :યોજના અમલી બન્યે સૌરાષ્ટ્ર સોનુ ઉત્પન્ન થશેઃ સેતુબંધ ફાઉન્ડેશન દ્વારા વિજયભાઇ રૂપાણી સમક્ષ રજુઆત access_time 4:11 pm IST

  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • કચ્છનાં મુંદ્રા પોર્ટ પરથી ફરી કિંમતી સિગારેટની દાણચોરી કરી મોટ જથ્થો ધુસાડવાનો પ્રયાસ DRIએ નાકામ બનાવ્યો છે. DRI દ્રારા 14 લાખ 40 હજાર સિગારેટનો માતબર જથ્થો ઝડપવામાં આવ્યો છે જેની બજાર કિંમત 1 કરોડ 44 લાખ કરતા પણ વઘુ આંકવામાં આવે છે access_time 9:29 am IST