Gujarati News

Gujarati News

News of Wednesday, 14th February 2018

સાબરમતી જેલના કેદીઓ બનશે પેડવુમેનઃ સેનેટરી નેપકીન બનાવશેઃ ૧લી માર્ચથી ટ્રેનિંગઃ ૪ લાખના ખર્ચે યુનિટ ઉભુ થશે

સાબરમતી જેલના કેદીઓ બનશે પેડવુમેનઃ સેનેટરી નેપકીન બનાવશેઃ ૧લી માર્ચથી ટ્રેનિંગઃ ૪ લાખના ખર્ચે યુનિટ ઉભુ થશે

અમદાવાદઃ મહિલાઓને માસિક દરમિયાન થતી મુશ્‍કેલીઓ બાબતે સામાજિક જાગૃતિ લાવનાર અક્ષય કુમારની ફિલ્મ પેડમેન રિલીજ થઇ છે ત્યારે સાબરમતી સેન્ટ્રલ જેલ તંત્રએ આ ફિલ્મમાંથી પ્રેરણા મેળવી છે અને મહિલા કેદીઓ માટે સેનિટરી નેપકિન બનાવવા માટે જેલમાં જ એક યૂનિટ સ્થાપવાની વિચારણા કરી છે. સેનિટરી પેડનુ યુનિટ સ્થાપી જેલ તંત્રએ મહિલા કેદીઓને રોજગાર હેતુ  આ યુનિટ સ્‍થાપવામાં આવી રહ્યાનું જાણવા મળ્યું છે.

 

આ પ્રોજેક્ટ માટે મહાત્મા ગાંધીએ સ્થાપેલ પબ્લિકેશન હાઉસ નવજીવન અને અમદાવાદના કર્મા ફાઉન્ડેશનનો સહયોગ મળી રહ્યો છે. સોમવારે એનજીઓ અને જેલ તંત્ર વચ્ચે કરાર થયો. એગ્રીમેન્ટ મુજબ નવજીવન અને કર્મા ફાઉન્ડેશન દ્વારા મેન્યુફેક્ચરિંગ યુનિટનું સેટઅપ કરવામાં આવશે, કાચો માલ અને કેદીઓને પગાર પુરો પાડવામાં આવશે. ફાઇનલ પ્રોડક્ટને વેચાણમા મુકવાની જવાબદારી પણ બંને એનજીઓની જ રહેશે.

જેલ અધિક્ષકે જણાવ્યા મુજબ સાબરમતી જેલ તંત્રએ જેલમાં જ સેનિટરી નેપકિન બનાવવા માટે એનજીઓ સાથેના કરારની પ્રપોઝલ ઉપરી વિભાગને મોકલી આપી હતી, જેથી સોથી પણ વધુ મહિલા કેદીઓને રોજગારી અને વેતન આપી શકાય. હાયર ઑથોરિટીએ યૂનિટ બનાવવાની મંજૂરી આપી દીધી છે.

નોંધનીય છે કે, કેટલાક વર્ષોથી નવજીવન ટ્રસ્ટ જેલમાં ગાંધી આઇડિયોલોજી સહિતની કેટલીક એક્ટિવિટીમાં સામેલ છે. મહિલા કેદીઓને રોજગારી ઉપલબ્ધ કરાવવા માટે કર્મા ફાઉન્ડેશનને આ પ્રોજેક્ટ ઑફર કરવામાં આવ્યો હતો, એનજીઓએ આ પ્રપોઝલ સ્વિકારી લીધી હતી. કર્મા ફાઉન્ડેશનના ટ્રસ્ટી પ્રિયાંશી પટેલના જણાવ્યા મુજબ તેમણે ગત વર્ષે રાઇટ ટૂ ક્લિનલીનેસ પ્રોગ્રામ શરૂ કર્યો હતો જે અંતર્ગત તેઓ મહિલા કેદીઓ સાથે કામ કરશે.

વધુમાં તેમણે કહ્યું કે, ‘જેલમાં અનેક વસ્તુઓ બનાવવામાં આવે છે, જો કે મહિલા કેદીઓને જેલમાં કામ નથી મળી રહ્યું. ત્યારે સેનિટરી પેડના પ્રોડક્શન યૂનિટથી અહ્યાંની મહિલા કેદીઓને પણ કામ અને રોજગારી મળી રહેશે. મહિલા કેદીઓને 1લી માર્ચથી ટ્રેનિંગ આપવાનું શરૂ કરીશું અને પ્રોડક્શન યૂનિટ સેટઅપ કરવા માટે 4 લાખનો ખર્ચો થશે.’

(5:42 pm IST)
  • આફ્રિકાના નૈરોબી ખાતે એક બિલ્ડીંગ ઉપરથી કુદીને ગુજરાતી યુવકે જીવ આપ્યાના હેવાલોઃ નૈરોબી ગુજરાતી સમાજે આ બનાવને સમર્થન આપ્યું છે access_time 4:11 pm IST

  • પાટણ કલેક્ટર ઓફિસમાં જ દલિત યુવાન ભડભડ સળગી ઉઠ્યો : વર્ષો બાદ પણ જમીન ન મળતા આત્મવિલોપનનો કર્યો પ્રયાસ : પાટણમાં પોલિસ - ફાયર બ્રિગેડની હાજરીમાં જ દલિત યુવકે આત્મવિલોપનનો કર્યો પ્રયાસ : લોકોમાં મચી ગઈ નાસભાગ access_time 4:17 pm IST

  • મહારાષ્ટ્રમાં વાવાઝોડાએ અબજોની તબાહી સર્જી : ૧૯૦૦ ગામડાના પાક સાફ :મહારાષ્ટ્રમાં ૩ દિવસના તોફાની વરસાદ - બરફના કરાના તોફાન અને વાવાઝોડાથી ૧૯૦૦ ગામડાના પાકની તબાહી : બે લાખ હેકટર ઉપર ઉભો પાક સાફ થઈ ગયો : અબજો - અબજો રૂપિયાનું નુકશાનઃ મહારાષ્ટ્ર સરકારે આ કુદરતી તબાહી માટે કેન્દ્ર પાસે ૨૦૦ કરોડ માગ્યા access_time 4:09 pm IST