Gujarati News

અમદાવાદ તા. ૧૩  ડો. રવિભાઇ ત્રિવેદી કે જેઓ SGVP  ગુરુકુલના ઇન્ટરનેશનલ રિલેશન્સના એક્ઝીક્યુટીવ ડાઇરેકટર છે. હાલ તેઓ એસજીવીપી ઇન્ટરનેશનલ સ્કુલના ધો.10-11-12 ના વિદ્યાર્થીઓને પરીક્ષાના સમયે માર્ગદર્શન અને પ્રોત્સાહન પુરુ પાડે છે તેમજ હાલમાં ઉચ્ચ કારકિર્દી માટે માર્ગદર્શન આપે છે.

      જેમણે હોંગકોંગમાં દરિયા ઉપર 3600 હેક્ટર વિશાલ એરપોર્ટ  તૈયાર કરી તેઓ પાઇલોટ ઝીરો વિઝીલીન્સી ( કશુંજ દેખાતું  ન હોય તેવી પરિસ્થિતિમાં) ઉતરાણ કરી શકે તેવી કેટેગરી 3C નામની ઓટોમેટેડ વિજ્યુઅલ ગાઇડન્સ એન્ડ કન્ટ્રોલ સીસ્ટમ સ્થાપિત કરવામાં મોટો ભાગ ભજવેલ છે.

વિમાન લેન્ડીંગ સમયે ચારે બાજુ ધુમ્મસને કારણે કાંઇ દેખાતું ન હોય ત્યારે વિમાન લેન્ડીંગ કરવું મુશ્કેલ હોય છે ત્યારે રવિભાઇની સલાહથી પ્રશ્ન ઉકેલાઇ ગયો.

ત્રિવેદી રવિભાઇએ યુનિ. ઓફ ઓહાયો (યુ.એસ.એ) માંથી મીકેનીકલ ઇલેક્ટ્રીકલ અને ઇન્ડસ્ટ્રીયલ એન્જીનીયરીંગનો અભ્યાસ કરી એરપોર્ટ એન્જીનીયરીંગ પીએચડી મેળવેલ છે.

એરપોર્ટ ક્ષેત્રે તેની વિશિષ્ટ સેવાબદલ કેનેડા સરકારે તેને ગવર્નર જનરલનો ગોલ્ડ મેડલ અર્પણ કરેલ છે.

તેઓ દરરોજ પૂજા સમયે ભગવાન શ્રી સ્વામિનારાયણની મૂર્તિની સમક્ષ શુક્લ યજુર્વેદ, પુરુષસુક્ત, જનમંગલ, શ્રી રુદ્રમ્, વિષ્ણુસહસ્ત્ર નામાવલિનો મૌખિક પાઠ કરે છે.

તેઓએ એસજીવીપી ગુરુકુલ ઇન્ટરનેશનલ સ્કુલને કોગ્નીઆ (cognia) સાથે જોડી ઇન્ટરનેશનલ કક્ષામાં સ્થાન આપ્યું છે.

હાલ આખા ભારતમાં આ ફકત એક જ સ્કુલ છે જેને અમેરિકન કમીશન દ્વારા માન્યતા મળેલ છે. તેના વડે એ અમેરિકાની 36000 હાઇસ્કુલ સાથે સમતુલ્ય ગણાય છે.

રવિભાઇ પરીક્ષાના સમયમાં એસજીવીપી ઇન્ટરનેશનલ સ્કુલના ધો.10-11-12 ના વિદ્યાર્થીઓને માર્ગદર્શન પુરુ પાડી રહ્યા છે અને પરીક્ષા પહેલા સમૂહમાં ભગવાન પાસે પ્રાર્થના કરાવે છે કે, હે  ભગવાન, અમારા ઉપર એવી કૃપા વરસાવો કે અમો ઉત્તરોત્તર સફળતાના સોપાન  સર કરતા રહીએ. અમારી સંપૂર્ણ ભક્તિભાવના આપના ચરણમાં અર્પણ હો. અને અમને એવા  આશીર્વાદ આપો  કે અમો જીવનમા સદાય ઉત્તીર્ણ થતા રહીએ.