Gujarati News

Gujarati News

News of Sunday, 14th January 2018

પાલનપુરમાં બે ચીલઝડપકારને લોકોઅે ફાવવા ન દીધાઃ ઝડપીને સામુહિક માર માર્યોઃ પોલીસને સોંપ્યા

પાલનપુરઃ વાવ શહેરમાં તાલુકા ભરના લોકો રોજીંદા હજારોની સંખ્યામાં ખરીદી કરવા આવે છે. જેને લઈને હમેશા બજાર ભરચક જોવા મળે છે. જેનો ખીસ્સા કાતરૃઓ સહીત ચિલઝડપ કરતી ટોળકીઓ ભરપુર ફાયદો ઉઠાવતી હોય છે. અગાઉ પણ અનેક આવા બનાવો બની ચુંક્યા છે.ગત રોજ બપોરના સમયે બે ખજાણ્યા યુવકો રાહદારીઓના ખીસ્સામાં હાથ નાખતાં ઝડપાઈ જતાં લોકોએ બન્ને યુવકોને મેથીપાક ચખાડી પોલીસને સોપતાં પોલીસે વધુ તપાસ હાથ ધરી હતી.

વાવ શહેરમાં ઉતરાયણના પર્વ ઉજવણીને લઈને તાલુકા ભરના લોકો ખરીદી કરવા ઉમટી પડયા હતા.જેને લઈને બજારમાં ભારે ભીડ જોવા મળી હતી.આ ભીડનો ફાયદો ઉઠાવી બે અજાણ્યા ઈસમોએ ખરીદી કરવા આવેલા રાહદારીના ખીસ્સામાં હાથ નાખતાં હોબાળો મચી જતાં આ યુવકો ભાગવા જતાં લોકોના હાથે ઝડપાઈ જતાં બન્ને યુવકોને લોકોએ ભારે મેથીપામ ચખાડી પોલીસને સોપતાં પોલીસે આ બન્ને યુવકોની પુછતાછ કરતાં રાજેશ બલ્લુભાઈ બાવરી ઉ.વ (ર૯) અને સુનીલ લખમણભાઈ બાવરી ઉ.વ.(ર૦) બન્ને રહે માનસરોવર રોડ પાલનપુરના હોવાનુ જણાવ્યુ હતુ.જેથી પોલીસે વધુ પુછતાછ અર્થે તપાસ હાથ ધરી હતી.
વાવ શહેરમાં જ્યારે પણ લોકોના હાથે ઝડપાય તે તમામ લોકો પાલનપુરના હોવાનુ બહાર આવે છે.તો જીલ્લા પોલીસવડા સત્વરે યોગ્ય પગલાં ભરી આવા યુવકોની તપાસ કરે તો મોટી ગેંગ હોવાનુ બહાર આવે તેવી આશંકા સેવાઈ રહી છે ને અનેક ચોરીઓના ભેદ ઉકેલાય તેવુ લોકોમાં ચર્ચાઈ રહ્યુ છે.

(3:48 pm IST)
  • મિઝોરમમાં 4થી વધુ બાળકો પેદા કરનારા મિઝો દંપત્તિઓને ઇનામ આપશે પ્રેસ્બિટેરિયન ચર્ચ અને ધ બેપ્ટિસ્ટ ચર્ચ ઓફ મિઝોરમ : મીડિયામાં આ બાબતે વિવાદ ઉભો થતા બન્ને ચર્ચ હવે કરશે પાછી નિર્ણયની સમીક્ષા access_time 4:42 pm IST

  • દક્ષિણ ભારતના સુપરસ્ટાર રજનીકાંત બાદ હવે કમલ હાસન રાજકારણમાં એન્ટ્રી મારશે. કમલ હાસને ચેન્નઈમાં વિકાસ એવોર્ડ સમારંભમાં હાજરી આપતા જણાવ્યું કે તે 18 જાન્યુઆરીએ રાજનીતિમાં જોડાવવાની યોજના અંગે ખુલાસો કરશે. 26 જાન્યુઆરીના રોજ તેઓ તમિલનાડુની યાત્રા શરૂ કરશે. access_time 3:54 pm IST

  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છે જ access_time 11:48 am IST