News of Sunday, 14th January 2018

બનાસકાંઠાના ભાદરા ગામની શાળામાં ૩ વર્ષથી ખુલ્લામાં અભ્યાસ કરતા વિદ્યાર્થીઓઃ વર્ગ ખંડ બનાવવાની માંગ સાથે ઘેરાવ

બનાસકાંઠા તા. ૧૩ :.. બનાસકાંઠા જીલ્લાની ભાદરા ગામની શાળામાં વર્ગ ખંડોના અભાવે વિદ્યાર્થીઓ ભારે મુશ્કેલી વચ્ચે અભ્યાસ કરતા હોવાથી વિદ્યાર્થીઓને સુવિધા આપવાની માંગણી સાથે વાલીઓએ કલેકટર કચેરીનો ઘેરાવ કરીને રોષ વ્યકત કર્યો હતો.

રાજય સરકાર દ્વારા શિક્ષણ પાછળ મસમોટી ગ્રાન્ટની ફાળવણી કરે છે. પરંતુ જરૂરીયાતવાળી શાળાઓમાં કોઇ સુવિધા આપવામાં ન આવતા રોષ ફેલાયા છે.

ત્યારે ત્રણ વર્ષથી ભાદર ગામની પ્રાથમિક શાળામાં ઓરડા બન્યા નથી. જેના કારણે બાળકોએ ખુલ્લા આકાશ નીચે બેસીને ભણવું પડી રહ્નાં છે.  તેમ છતાં તંત્ર દ્વારા કોઇ કામગીરી કરવામાં આવી નથી.

જેથી રોષે ભરાયેલા વાલીઓ અને વિદ્યાર્થીઓએ કલેકટર કચેરીનો ઘેરાવ કર્યો હતો. અને સ્કુલમાં ઓરડા વહેલી તકે બનાવવામાં આવે તેવી માગ કરી હતી.

(5:07 pm IST)
  • U-19 વર્લ્ડક૫માં ભારતીય ટીમે ઓસ્ટ્રેલિયાને 100 રનથી હરાવ્યું : U-19 વર્લ્ડકપ-2018ના પ્રારંભિક મુકાબલામાં ટીમ ઈન્ડિયાએ ઓસ્ટ્રેલિયાને 100 રનથી હરાવી શાનદાર શરૂઆત કરી છે. રાહુલ દ્રવિડની કોચિંગમાં ભારતીય ટીમે સૌપ્રથમ બેટિંગ કરી નિશ્ચિત 50 ઓવરોમાં 7 વિકેટ ગુમાવી 328 રન બનાવ્યાં હતાં. તો જવાબમાં ઓસ્ટ્રેલિયન ટીમે 42.5 ઓવરોમાં 10 વિકેટ ગુમાવી ફક્ત 228 રન બનાવ્યા છે. access_time 3:24 pm IST

  • સંયુક્ત રાષ્ટ્ર સંઘમાં ભારતના સ્થાયી પ્રતિનિધિ સૈયદ અક્બરુદીનનું ટ્વીટર એકાઉન્ટ રવિવારે સવારે હૈક થયું છે. જોકે તેનાથી બેફિકર આ રાજદ્વારીએ કહ્યું હતું કે તેના ટ્વીટરને હૈક કરીને તેને જુકાવી શકાશે નહીં. અજાણ્યા હૈંકરોએ બે ફોટા અને એક વિડિઓ પોસ્ટ કરી છે અને અકબરૂદ્દીનના ટ્વીટર એકાઉન્ટના નામમાં @AkbaruddinIndia થી બદલીને R@AkbaruddinSyed કરી નાખ્યું છે. access_time 4:34 pm IST

  • દક્ષિણ ભારતના સુપરસ્ટાર રજનીકાંત બાદ હવે કમલ હાસન રાજકારણમાં એન્ટ્રી મારશે. કમલ હાસને ચેન્નઈમાં વિકાસ એવોર્ડ સમારંભમાં હાજરી આપતા જણાવ્યું કે તે 18 જાન્યુઆરીએ રાજનીતિમાં જોડાવવાની યોજના અંગે ખુલાસો કરશે. 26 જાન્યુઆરીના રોજ તેઓ તમિલનાડુની યાત્રા શરૂ કરશે. access_time 3:54 pm IST