Gujarati News

 સાબરકાંઠાઃ જિલ્લામાં વરસાદી વચ્ચે હિંમતનગરના ગુહાઇ જળાશયમાં 30 ક્યુસેક પાણીની આવક શરૂ થઈ છે. ઉપરવાસ વિસ્તારમાં વરસાદને લઇ પાણીની નવી આવક શરૂ થઈ છે. વિજયનગરમાં બે કલાકમાં બે ઇંચ વરસાદ પડ્યો છે. મોજાલિયા,ખરોલ, લિલપુર સહિતના ગામોમાં વરસાદ પડ્યો છે. ભારે ગરમી અને બફારા બાદ વરસાદ વરસ્યો હતો. ધોધમાર વરસાદ વરસતા નીચાણવાળા વિસ્તારમાં પાણી ભરાયાં છે. પ્રાંતિજ ,વડાલી અને વિજયનગરમાં પણ વરસાદ વરસ્યો હતો. હિંમતનગર અને આસપાસના વિસ્તારમાં પણ વરસાદ પડ્યો છે. ગાંભોઇ, કાંકણોલ, બેરણા વિસ્તાર ગાજવીજ સાથે વરસાદ પડ્યો છે.