News of Tuesday, 13th February 2018

અમદાવાદમાં સરકારી નોકરી મેળવવાની લાલચે ૪ લાખ ગુમાવ્‍યા

અમદાવાદ : બેન્‍ક, પોસ્‍ટ ઓફીસ, સરકારી કચેરીઓમાં મહત્‍વની જગ્‍યા ઉપર નોકરી આપવા તથા બદલી કરી આપવાનું જણાવી રૂ. ૩.૯૦ લાખની છેતરપીંડી કરાઇ હોવાની ઘટના પ્રકાશમાં આવી છે.

નવાઈની વાત એ છે કે આ છેતરપીંડીમાં ચિટરે નિવૃત્ત મામલતદારના પુત્ર અને તેના સંબંધીને નિશાન બનાવ્યા છે.

મળતી માહિતી મુજબ, નિવૃત્ત મામલતદારના પુત્ર અમિત રાવલ ઈસનપુરમાં આવેલ અંબિકા એપાર્ટમેન્ટમાં રહે છે. જેમનો સંપર્ક ભાવિક શાહ નામના વ્યક્તિ સાથે થયો હતો. ભાવિક શાહે તેમને સરકારી નોકરી અપાવવાની વાત કરી હતી. તેણે જણાવ્યુ હતું કે ઈન્ડિયન પોસ્ટ દ્વારા જીડીએસની ભરતી માટે જાહેરાત બહાર પડી છે જેનુ ફોર્મ ભરી દો સીધી નોકરી અપાવી દઈશ.

નોકરી અપાવવા બદલ અઢી લાખ રૂપિયા આપવાનુ નક્કી કરાયુ હતું. જેમાંથી અમિતભાઈએ ૧.૧૦ લાખ રૂપિયા એડવાન્સ આપ્યા હતા.

ત્યારબાદ અમિતભાઈના સંબંધીને પણ નોકરી અપાવવાનુ કહીને ૪૦ હજાર રૂપિયા લીધા હતા. તેમજ અમિતભાઈના શાળાની પત્નીને એસબીઆઈ બેંકમાં નોકરી અપાવવા માટે ફરી ૫૦ હજાર રૂપિયા લીધા હતા. ત્યારાદ ગુજકેટની પરીક્ષા આપવા માટે અને તેમની શિક્ષક તરીકે મનપસંદ જગ્યાએ બદલી કરાવી આપવા માટે ૩૫ હજાર રૂપિયા લીધા હતા.

આમ અલગ અલગ બહાના હેઠળ ભાવીને ૩.૯૫ લાખ રૂપિયા પડાવ્યા હતા, જોકે તેમ છતા એકપણ વ્યક્તિનુ કામ થયુ નહતું.

જેથી અમિતભાઈએ આ અંગે પૂછતા થોડા સમયમાં કોલ લેટર મળશે તેમ જણાવ્યુ હતું, ત્યારબાદ અમિત અને હાર્દિકને પોસ્ટવિભાગનો કોલ લેટર આવ્યો હતો.

જોકે કોલ લેટરમાં લખેલ જગ્યાએ ઈન્ટરવ્યુ માટે જતા ત્યાં કોઈ ઈન્ટરવ્યુ ન હોવાનુ સામે આવ્યુ હતું, જેથી તેમણે કોલલેટર લઈ પોસ્ટઓફિસમાં તપાસ કરી હતી. જ્યાં કોલલેટર બોગસ હોવાનુ સામે આવ્યુ હતું. જેથી પોતાની સાથે છેતરપીંડી થઈ હોવાનુ જાણ થતા અમિતભાઈએ પોલીસ સ્ટેશનમાં ભાવિન સામે છેતરપીંડીની ફરીયાદ નોંધાવી છે.

(11:21 pm IST)
  • ત્રિપુરામાં ચૂંટણી પ્રચાર બાદ દક્ષિણનો કિલ્લો કર્ણાટકમાં વડાપ્રધાન મોદી અને અમિતભાઇ શાહ ઘૂમી વળશે :કોંગ્રેસ પાસેથી કર્ણાટક છીનવવા કરશે કવાયત :મોદી અને શાહના કરિશ્માથી પ્રચાર અભિયાન આગળ ધપાવી કર્ણાટક કરશે કબ્જે access_time 11:26 pm IST

  • હરિયાણામાં જાટો ઉપર થયેલ કેસો પાછા ખેંચવા થયેલ સમજૂતી : ગુજરાતમાં પાટીદારો સામે કયારે? :ચંદીગઢ : અખિલ ભારતીય જાટ અનામત સંઘર્ષ સમિતિ અને હરિયાણા સરકાર વચ્ચે સમજૂતી સઘાઈ ગઈ છે : હરિયાણા સરકારે જાટ આંદોલનકારીયો ઉપર દાખલ કરાયેલ બધા કેસો પાછા ખેંચવાની વાત માની લીધી હોવાનું રાજસ્થાન પત્રિકા નોંધે છે access_time 3:39 pm IST

  • છત્તીસગઢની રમણસિંઘ ભાજપ સરકાર માટે રાહતના સમાચારઃ વીઆઈપીઓ માટે ઓગષ્ટા હેલીકોપ્ટરની ખરીદીમાં ભ્રષ્ટાચાર અંગે તપાસની માંગણી કરતી એક જાહેર હિતની અરજી સુપ્રિમ કોર્ટે રદબાતલ કરી છે : આ પીઆઈએલ (પબ્લિક ઈન્ટરેસ્ટ લીટીગેશન) દ્વારા છત્તીસગઢના મુખ્યમંત્રી રમણસિંઘના પુત્રના વિદેશી બેન્ક ખાતાઓમાં ઠલવાયેલ નાણા સંદર્ભે તપાસની માંગણી થયેલ access_time 11:38 am IST