News of Saturday, 13th January 2018

ચકચારી શીતલ દેસાઈ હત્યા કેસમાં અમદાવાદની સેટેલાઈટ પોલીસ દ્વારા ફરાર સાસુ-સસરાની ધરપકડ

અમદાવાદ: ચકચારી શીતલ દેસાઈ હત્યા કેસમાં અમદાવાદની સેટેલાઈટ પોલીસ દ્વારા વોન્ટેડ સાસુ-સસરાની ધરપકડ કરવામાં આવી છે.

પ્રાપ્‍ત માહિતી અનુસાર ૬ ડિસેમ્બરના શીતલ દેસાઈની કુહાડીના ઘા ઝીંકીને હત્યા કરવામાં આવી હતી. આજે મૃતક શિતલના ભાઈએ શિતલના પતિ અને સાસુ-સસરા પર હત્યાનો આરોપ લગાવવામાં આવ્યો હતો.

ભાઈનો આરોપ હતો કે શીતલના પતિ, સાસુ અને સસરાએ શિતલને માનસિક ત્રાસ આપીને તેની હત્યા કરી દીધી છે.

જેનાં પગલે સેટેલાઈ પોલીસે ફરિયાદ નોધીને તપાસ હાથ ધરી હતી. સેટેલાઈટ પોલીસે અગાઉ હત્યા કેસમાં શીતલના પતિ હિતેશ દેસાઈની ધરપકડ કરવામાં આવી હતી. જો કે તેના સાસુ-સસરા ફરાર હતા. જેથી પોલીસે તેમને વોન્ટેડ જાહેર કરીને શોધખોળ હાથ ધરી હતી.

ત્યારે અંતે પોલીસને સાસુ-સસરાની ધરપકડ કરવામાં પણ સફળતા સાંપડી છે.

(12:16 am IST)
  • અમદાવાદમાં મોડી રાત્રે ૧૧ બાઈકો સળગાવવામાં આવી: અમદાવાદના સરદારનગર વિસ્તારમાં મોડી રાત્રે ૧૧ બાઈકો સળગાવવામાં આવ્યા : સીતારામ ચોક પાસે બન્યો બનાવ : સરદારનગર પોલીસે ગુનો નોંધી વધુ તપાસ હાથ ધરી access_time 11:44 am IST

  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST

  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST