News of Saturday, 13th January 2018

પોલીસે બાતમીના આધારે કલોલમાં કલ્યાણપુરા ઓવરબ્રિજ નીચે વરલીમટકાનું જુગારધામ ઝડપ્યું: પાંચ શખ્સોની ધરપકડ

કલોલ:શહેરમાં કલ્યાણપુરા ઓવરબ્રીજ નીચે મોટાપાયે વરલીમટકાનું જુગાર ધામ ચાલતું હોવાની  બાતમીના આધારે આરઆર સેલે દરોડો કરી પાંચ જુગારીઓને સ્થળ પરથી ઝડપી લીધા હતા. જો કે જુગારધામ ચલાવતો મુખ્ય સુત્રધાર ભાગી છુટયો હતો. પોલીસે સ્થળ ઉપરથી ર૩૨૯૦ની રોકડ કબ્જે લીધી હતી. કલોલ શહેરમાં આવેલા કલ્યાણપુરા વિસ્તારમાં ઓવરબ્રીજ નીચે મોટાપાયે જુગારધામ ચાલતું હોવાની બાતમીના આધારે ગઈકાલે સાંજે આર આર સેલે દરોડો કર્યો હતો.

જેમાં વરલી મટકાનો જુગાર રમતાં સલીમ હાસમભાઈ ચૌહાણ રહે.પાનસર ચોકડી, કાળુજી રમેશજી ઠાકોર રહે.કલ્યાણપુરા પુલ નીચે, રાજેશ રમણલાલ ત્રિવેદી રહે.મોહનસુથારની ચાલી, મજીદ ગફુરભાઈ અંસાર રહે.જુની હાડકામીલની ચાલી, રાજુજી અમૃતજી ઠાકોર રહે.મોહનસુથારની ચાલી રંગે હાથે ઝડપાઈ ગયા હતા. પોલીસે સ્થળ ઉપરથી કુલ ર૩૨૯૦ની રોકડ અને જુગારની સાહિત્ય કબ્જે લીધું હતું.

જો કે જુગારધામનો મુખ્ય સુત્રધાર મહોંમદ હુસેન ઈસ્માઈલભાઈ મલેક ભાગી છુટયો હતો. પોલીસે જુગારનો કેસ દાખલ કરાવી ફરાર જુગારીની ધરપકડ માટે દોડધામ શરૃ કરી છે. ઉલ્લેખનીય છે કે આરઆર સેલે કલોલમાં જુગારનો કવોલીટી કેસ કરતા સ્થાનીક પોલીસ ઉંઘતી ઝડપાઈ છે. આરઆર સેલના દરોડાને પગલે સ્થાનીક પોલીસમાં પણ દોડધામ મચી ગઈ હતી.

મહત્વની બાબત એ છે કે વરલી મટકાનો જુગારમાં સ્થળ ઉપરથી ઓછી રોકડ હાથ લાગતી હોય છે પરંતુ ગઈકાલના આ દરોડામાં ર૩ હજારથી પણ વધારેની રોકડ સ્થળ ઉપરથી પકડાતાં કેટલા મોટાપાયે જુગારધામ ચાલતું હશે તેનો અંદાજ લગાડી શકાય છે.

(5:36 pm IST)
  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST

  • સુરતમાં વાનમાં આગ લાગ્યા બાદ ટ્રાફિક પોલીસ લાલઘુમ : સુરત ટ્રાફીક પોલીસે ત્રણ ટીમો બનાવી રીક્ષા અને વાનમાં ચેકીંગ હાથ ધયુ* : સ્કૂલ, રીક્ષા કે વાનમાં વધુ વિદ્યાર્થીઓ હોય તો તેમને દંડ અને ડીટેઈન કરવાની કામગીરી શરૂ access_time 2:44 pm IST

  • મુંબઇથી ઉપડેલું હેલિકોપ્ટર થયું ગુમ : ઓએનજીસીના કર્મચારીઓ સહિત 7 લોકો તેમાં હતા સવાર : હેલિકોપ્ટર સવારે 10.20 કલાકે ઉડ્યું હતું, જે ઓએનજીસીના ઉત્તરીય વિસ્તારમાં 10.58 કલાકે પહોંચવાનું હતું, પરંતુ 10.30 વાગ્યા પછી તેના કોઈ સિગ્નલ મળ્યા નથી. access_time 1:31 pm IST