Gujarati News

Gujarati News

News of Saturday, 13th January 2018

નવસારીમાં સોસાયટીના મકાનમાં ચાલતા જુગારધામ પર પોલીસે છાપો મારી 8 શકુનિઓને રંગે હાથે ઝડપ્યા

નવસારી:શહેરનાંજ ગણેશસિસોદ્રા ગામે આવેલી એક સોસાયટીનાં મકાનમાં બાતમી આધારે પેરોલફર્લો  સ્કોવર્ડે છાપો મારી આઠ જુગારીઓને રંગેહાથ ઝડપી પાડયા હતા. રોકડા રૃ।. ૧૭ હજાર, પાંચ બાઇક અને મોબાઇલ ફોન મળી કુલ રૃ।. ૩.૧૯ લાખનો મુદ્દામાલ પોલીસે કબ્જે કર્યો હતો.

નવસારી નજીકના ગણેશસિસોદ્રા ગામની અમીકુંજ સોસાયટીમા એક ઘરમાં તીનપત્તીનો જુગાર રમાડવામાં આવી રહ્યો હોવાની બાતમી પેરોલફર્લો સ્કવોડને મળી હતી. આથી પોલીસે  છાપો મારતા  આઠ જુગારીયા રૃપિયાની હારજીતનો તીનપત્તીનો જુગાર રમતા ઝડપાઇ ગ યા હતા.

પોલીસે દાવ ઉપર લગાડેલા અને અંગઝડતી મળીને રોકડા રૃ।. ૧૭ હજાર કબ્જે કર્યા હતા. સાત નંગ મોબાઇલ અને પાંચ નંગ બાઇક સાથે કુલ રૃ।. ૩.૧૯ લાખનો મુદ્દામાલ પોલીસે કબ્જે લીધો હતો.

પોલીસે જુગાર રમતા સંજય છોટુભાઇ સોલંકી (રહે. રાજીવનગર, ગણેશ સિસોદ્રા), સલીમ ગુલામભાઇ મંગેરા (રહે. ભેંસતખાડા, માછીવાડ, નવસારી), નિતેશ મનહરભાઇ પરમાર (રહે. રોહિતવાસ, કબીલપોર), હેમંત ગોપાળભાઇ ચૌહાણ  (રહે. દસ્તુરવાડ, નવસારી), જોની ડાહ્યાભાઇ રાઘવ (રહે. ગાંધીફળિયું, ગણેશસિસોદ્રા), મુસ્તાક મહમદ કપાસી (રહે. દસ્તુરવાડ, નવસારી), હિરેન મુકેશભાઇ સોલંકી (રહે. સીવીલ કોર્ટ સામે, ચીખલી) અને ભરત ડાહ્યાભાઇ સોલંકી (રહે. વિશાલનગરઇટાળવા)ની ધરપકડ કરી જેલભેગા કર્યા હતા.

(5:36 pm IST)
  • મધ્યપ્રદેશના ગુના જિલ્લામાં દિગ્વિજયસિંહના ગઢ રાઘોગઢમાં ભાજપ અને કોંગ્રેસના કાર્યકરોની અથડામણ પછી તણાવભરી સ્થિતિ ફેલાય ગઈ છે : તણાવને ધ્યાનમાં રાખીને, સાવચેતીનાં ભાગરૂપે ત્યાં કર્ફ્યૂ લાદી દેવામાં આવ્યો છે : આગામી સપ્તાહે રાઘોગઢમાં મ્યુનિસિપલ ચૂંટણી યોજાવાની છે. access_time 1:37 pm IST

  • કર્ણાટકના ઉદ્યોગમંત્રીએ બેંગલુરુને દેશની બીજી રાજધાની બનાવવાની માગણી કરી access_time 11:57 am IST

  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST