Gujarati News

Gujarati News

News of Saturday, 13th January 2018

કતારગામમાં હીરાના વેપારી પાસેથી 2.76 લાખના હીરા ખરીદી છેતરપિંડી આચરનાર શખ્સ વિરુદ્ધ ગુનો દાખલ

સુરત:કતારગામ બડા ગણેશ મંદિર પાસે આરજેડી બિઝનેસ હબમાં ઓફિસ ધરાવતા હીરા વેપારી પાસેથી રૃ।. ૨.૭૬ કરોડના રફ હીરા ખરીદી ચેકનું સ્ટોપ પેમેન્ટ કરી કતારગામના હીરા વેપારીએ છેતરપિંડી આચરી હતી.

પોલીસસૂત્રો દ્વારા પ્રાપ્ત થતી વિગતો મુજબ ડુમસરોડ વી.આર. મોલ  પાસે વાસ્તુમ લકઝરીયા એ-૫ - ૩૦૨માં રહેતા રાજેશભાઇ ભગવાનભાઇ સુતરીયા કતારગામ બડાગણેશ મંદિર પાસે આરજેડી બિઝનેસ હબમાં હીરાની ઓફિસ ધરાવે છે.

ગત ૧૫ જૂન, ૨૦૧૭થી ૨૩ જૂન ૨૦૧૭ દરમિયાન હીરા વેપારી ઘનશ્યામભાઇ ગોરધનભાઇ સામલીયા (રહે. ૨૬, ચિત્રકુટ સોસાયટી, રાશી સર્કલ, ગજેરા સ્કૂલની બાજુમાં, કતારગામ, સુરત. મૂળ રહે. અમરેલી)એ રૃ।. ૨,૭૫,૮૭,૦૨૪ની કિંમતના ૧૮,૮૨૦.૫૪ કેરેટ રફ હીરા ખરીદયા હતા.

ઘનશ્યામભાઇએ  રાજેશભાઇને પેમેન્ટ પેટે ચેકો આપ્યા હતા. જો કે, બાદમાં તેનું પેમેન્ટ અટકાવી દીધું હતું. ત્યારબાદ પણ  પેમેન્ટ નહીં કરનાર ઘનશ્યામભાઇ વિરૃદ્ધ ભોગ બનનાર રાજેશભાઇએ ગતરોજ સલાબતપુરા પોલીસ મથકમાં છેતરપિંડીની ફરિયાદ નોંધાવતા પી.એસ.આઇ. એ.બી. મહેરીયાએ વધુ તપાસ  હાથ ધરી છે.

(5:35 pm IST)
  • ભારતીય ક્રિકેટ ટીમના પૂર્વ કેપ્ટન મોહમ્મદ અઝહરૂદ્દીનએ હૈદરાબાદ ક્રિકેટ એસોસિએશન (HCA) સામે મોટા આક્ષેપો કર્યા છે. અહેવાલો અનુસાર, અઝહરૂદ્દીને આક્ષેપ કર્યો છે કે હૈદરાબાદ ક્રિકેટ એસોસિએશનના કેટલાક સભ્યો તેમને HCA પ્રમુખની ચુંટણીમાં ભાગ લેવાથી રોકવા માંગે છે. access_time 1:19 pm IST

  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST

  • સુરતમાં વાનમાં આગ લાગ્યા બાદ ટ્રાફિક પોલીસ લાલઘુમ : સુરત ટ્રાફીક પોલીસે ત્રણ ટીમો બનાવી રીક્ષા અને વાનમાં ચેકીંગ હાથ ધયુ* : સ્કૂલ, રીક્ષા કે વાનમાં વધુ વિદ્યાર્થીઓ હોય તો તેમને દંડ અને ડીટેઈન કરવાની કામગીરી શરૂ access_time 2:44 pm IST