News of Saturday, 13th January 2018

સૈજપુર-ઝારોલામાં દુંધ મંડળીના તાળા તોડી તસ્કરો 1.37 લાખની મતા ચોરી છૂમંતર

બોરસદ: તાલુકાના સૈજપુર અને ઝારોલા ગામે આવેલી દૂધ મંડળીમાં ગઈકાલે રાત્રીના સુમારે ત્રાટકેલા તસ્કરો કુલ ૧.૩૭ લાખની રોકડ રકમની ચોરી કરીને ફરાર થઈ જતાં આ અંગે પોલીસે ચોરીના બે અલગ-અલગ ગુનાઓ દાખલ કરીને તપાસ હાથ ઘરી છે.

 


ચોરીની મળતી વિગતો અનુસાર ગઈકાલે રાત્રીના સુમારે કેટલાક તસ્કરો દૂધ મંડળીના લોખંડના દરવાજાને મારેલું તાળુ તોડીને અંદર ઘુસ્યા હતા અને દરવાજાને મારેલા તાળા તોડી અંદર મુકેલી તિજોરી તોડી નાંખી હતી અને રોકડા ૬૦ હજાર તથા પાંચ હજારનું પરચુરણ એમ મળીને કુલ ૬૫ હજારની રોકડ રકમની ચોરી કરીને ફરાર થઈ ગયા હતા.

સવારે દૂધ મંડળીએ આવેલા ઠાકોરભાઈ પુરૂષોત્તમભાઈ સોલંકીએ તાળા તેમજ તિજોરી તુટેલી જોતા ંજ તુરંત જ પોલીસને જાણ કરી હતી. ઘટનાસ્થળે આવી પહોંચેલી વીરસદ પોલીસે ગુનો દાખલ કરીને ડોગ સ્ક્વોડ તથા એફએસએલની મદદથી તપાસ હાથ ઘરી છે. બીજા બનાવમાં ઝારોલા ગામે આવેલી દૂધ મંડળીમાં ગઈકાલે રાત્રીના સુમારે લોખંડની જાળીનો નકુચો તોડીને તસ્કરો અંદર ઘુસ્યા હતા અને ઉપરના માળે આવેલ તિજોરીનું લોક ખોલીને તેમાંથી રોકડા ૭૨ હજારની રોકડની ચોરી કરીને ફરાર થઈ ગયા હતા. આ અંગે સેક્રેટરી શ્યામસુંદર રાવજીભાઈ પટેલે ફરિયાદ આપતાં પોલીસે ગુનો દાખલ કરીને તપાસ હાથ ધરી છે.

(5:34 pm IST)
  • અમિતભાઈ બે દિવસના ગુજરાત પ્રવાસેઃ કાર્યકરો સાથે મકરસંક્રાત ઉજવશે ભાજપના રાષ્ટ્રીય પ્રમુખ અમિતભાઈ શાહ કાલે નારણપુરામાં કાર્યકર્તાઓ સાથે મકરસંક્રાંત ઉજવશે : પોતાના નિવાસસ્થાને કાર્યકરોને મળશે : આજે સાંજે ૭ વાગ્યે અમદાવાદ એરપોર્ટ આવી પહોંચશે access_time 3:46 pm IST

  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે ​​તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના ​​કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી. access_time 12:45 am IST

  • અમદાવાદની કાંકરીયા પતંગ બજારમાં આગ : ૫થી ૬ સ્ટોલ સળગી ગયા access_time 12:51 pm IST