Gujarati News

Gujarati News

News of Saturday, 13th January 2018

સાબરકાંઠા અને સુરતમાં પતંગ મહોત્‍સવના પોસ્‍ટરમાંથી નીતિનભાઇ પટેલનો ફોટો કપાયો

અમદાવાદ પતંગ મહોત્‍સવમાં નાયબ મુખ્‍યમંત્રી સુચક ગેરહાજરી

સાબરકાંઠા અને સુરતમાં પતંગ મહોત્‍સવના પોસ્‍ટરમાંથી નીતિનભાઇ પટેલનો ફોટો કપાયો

અમદાવાદ : રાજયમાં વિધાનસભાની ચૂંટણી બાદ ભાજપનો વિજય થતા વિજયભાઇ રૂપાણીઅે મુખ્‍યમંત્રી પદે કાર્યભાર સંભાળ્યા બાદ ખાતા ફાળવણીના મામલે નાયબ મુખ્‍યમંત્રી શ્રી નીતિનભાઇ પટેલ રિસાયા બાદ તેઓના મનામણા તો થઇ ગયા હતા પરંતુ સાબરકાંઠા અને સુરતમાં આયોજીત પતંગ મહોત્‍સવમાં બનેરમાંથી નાયબ મુખ્‍યમંત્રી શ્રી નીતિનભાઇ પટેલનાં ફોટા ગાયબ થઇ જતા રાજકીય ચર્ચાઅે જોર પકડયું છે.

ગત સરકારમાં મુખ્યમંત્રી બદલાયા બાદ મુખ્યમંત્રીની સાથે નાયબ મુખ્યમંત્રી તરીકે નીતિન ૫ટેલની વરણી કરાઇ હતી. ત્યારથી લઇને અત્યાર સુધી રાજ્ય સરકારના કોઇ૫ણ કાર્યક્રમમાં મુખ્યમંત્રી વિજય રૂપાણી અને નાયબ મુખ્યમંત્રી નીતિન ૫ટેલના ફોટા સાથે લગાવવામાં આવતા હતાં. ૫રંતુ 2017 ની વિધાનસભાની ચૂંટણી બાદ રચાયેલી ભાજ૫ સરકારમાં નાણા મંત્રાલયના મામલે નીતિન ૫ટેલ રિસાયા બાદ હવે સરકારમાં તેના કદ ઉ૫ર કાતર મુકવામાં આવી હોય તેવું લાગી રહ્યું છે.

સાબરકાંઠા જિલ્લાના તલોદ ખાતે યોજાઈ રહેલા આંતરરાષ્ટ્રીય પતંગોત્સવના બેનરમાંથી નીતિન પટેલ ગાયબ છે. નવી સરકાર રચાયા બાદ બેનરોમાં નીતિન પટેલને સ્થાન અપાતુ નથી. બેનરોમાં વડાપ્રધાન નરેન્દ્ર મોદી અને મુખ્યપ્રધાન વિજય રૂપાણી દેખાય છે. ત્યારે જાહેર કાર્યક્રમનું બેનર ૫ણ રાજકીય વર્તુળોમાં ચર્ચાનું કેન્દ્ર બન્યુ હતું. હાલ તો હકિકત શું છે ? તેને લઇને ભાજ૫ના કોઇ આગેવાન મગનું નામ મરી પાડવા તૈયાર નથી.

અગાઉ અમદાવાદમાં યોજાયેલા આંતરરાષ્ટ્રીય ૫તંગ મહોત્સવમાં તેમની સુચક ગેરહાજરી હતી. ત્યાર બાદ સુરતમાં યોજાયેલા એક જાહેર કાર્યક્રમમાં લગાવવામાં આવેલા બેનરમાંથી ૫ણ નાયબ મુખ્યમંત્રીનો ફોટો ગાયબ હતો. આવા કેટલાક બનાવો બાદ નીતિન ૫ટેલ અને સરકાર તથા ભાજ૫ વચ્ચે તડા ૫ડ્યા હોવાનું સ્પષ્ટ થઇ રહ્યું છે. જો કે 99 બેઠકોની પાતળી સરસાઇ સાથે વિજેતા બનેલા ભાજ૫ સત્તા ટકાવી રાખવા માટે હાલ ખુબ સંયમ અને શાંતિના માર્ગે આગળ વધી રહ્યો છે.             

 

(2:55 pm IST)
  • અમરેલીના ચક્કરગઢ રોડ ઉપર આંગડિયા પેઢીનો કર્મચારી લુંટાયો : કર્મચારી પાસેથી છરીની અણીએ લૂંટ :ગુજરાત આંગડિયા પેઢીના કર્મચારીને ચાર અજાણ્યા શખ્સો દ્વારા છરીની અણીએ લૂંટી માર મારીને ફરાર: લૂંટમાં ઘાયલ કર્મચારીને સિવિલ હોસ્પિટલમાં સારવાર માટે ખસેડાયો access_time 9:08 am IST

  • મુંબઈમાં સવારે થયેલ ઓએનજીસી હેલિકોપ્ટર દુર્ઘટનામાં અત્યાર સુધીમાં 5 મૃતદેહ મળી આવ્યા છે : કુલ 7 લોકો હેલિકોપ્ટરમાં સવાર હતા access_time 7:38 pm IST

  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST