News of Saturday, 13th January 2018

નવસારીના સુલતાનપુરમાં રૂ.૧૦ હજારની લાંચ લેનાર સરપંચની ધરપકડ

નવસારીઃ જીલ્લાના જલાલપોર તાલુકાના સુલતાનપુરના સરપંચ રૂ. ૧૦ હજારની લાંચ લેતા રંગે હાથ ઝડપાઇ જતા સનસનાટી મચી ગઇ છે.

પ્રા માહીતી મુજબ સુલતાનપુર ગામના સરપંચ જયેશ  હળપતીએ તળાવ ઉંડુ ઉતારવા માટે કામ કરી રહેલ કોન્ટ્રાકટર પાસે રૂ. ૧૦ હજારની લાંચ માંગી હતી. જે અંગે કોન્ટ્રાકટરે એસીબી ટીમને જાણ કરતા નવસારી એસીબી ટીમે છટકુ ગોઠવીને સરપંચ જયેશ હળપતીને રૂ.૧૦ હજારની લાંચ લેતા રંગે હાથ ઝડપી લીધો હતો. અત્રે ઉલ્લેખનીય છેકે  ગ્રામ પંચાયતની દરેક સતા સરપંચના હાથમાં હોય છે અને સરપંચ દ્વારા જુદા જુદા વિકાસ કાર્યો હાથ ધરવામાં આવતા હોય છે. ત્યારે તળાવો ઉંડા ઉતારવાની યોજના અંતર્ગત જળ સંચયના કામો કરવામાં આવી રહયા છે. જે અંતર્ગત આ સરપંચે લાંચ માંગતા તેની ધરપકડ કરવામાં આવી છે. (૪.૨૨)

(4:39 pm IST)
  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે ​​તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના ​​કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી. access_time 12:45 am IST

  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST

  • ઇંગ્લેન્ડના નોટિંગઘમ રેલવે સ્ટેશનમાં લાગી ભીષણ આગ : સમગ્ર સ્ટેશન ખાલી કરાવાયું : આગ પર કાબુ મેળવવા અગ્નિશામક તંત્ર લાગ્યું કામે : આતંકી હુમલાની સેવાય રહી સંભાવના access_time 9:07 am IST