Gujarati News

રાજકોટ તા. ૧૨,  એક યુગમાં જેની ખૂબ મોટી શાખ હતી તેવા સુપ્રસિદ્ધ અનિલ સ્ટાર્ચ અને અનિલ ટ્રેડિંગ ગ્રુપના અમૂલ શેઠની ૧૪ લાખની છેતરપીંડીના આરોપસર અમદાવાદ ક્રાઇમ બ્રાન્ચ દ્વારા ધરપકડ કરી તેની સઘન પૂછપરછ ચાલી રહ્યાંની બાબતને અમદાવાદ ક્રાઇમ બ્રાન્ચના વડા પ્રેમવિરસિહ દ્વારા 'અકિલા' સાથેની વાતચીતમાં સમર્થન આપ્યું છે.                                              

કરોડો રૂપિયા ઓળવી જવાના જેના પર આરોપ છે તેવા અમૂલ શેઠ સામે તામ્બે નામના એક અરજદાર દ્વારા પોતાના ૧૪ લાખ ઓળવી જવાની ફરિયાદ આધારે ક્રાઇમ બ્રાન્ચ દ્વારા ધરપકડ કરવામાં આવી હોવાનું પણ વિશેષમાં જણાવ્યું હતું.    

 ચર્ચાતી બાબતો મુજબ અમૂલ શેઠ પર કરોડો રૂપિયા ઓળવી જવાના આરોપ અંગે સીઆઈડી ક્રાઈમ સહિત વિવિધ પોલીસ મથકમાં ગુન્હા દાખલ કરવામાં આવ્યા છે.ક્રાઈમ બ્રાન્ચના રિમાન્ડ દરમિયાન મોટા ધડાકા ભડાકા થશે તેવું માનવામાં આવી રહ્યુ છે.