Gujarati News

વડોદરા:શહેરના નિઝામપુરા વિસ્તારમાં દુકાન ભાડે રાખ્યા બાદ બાકીના 2.51 લાખ ન ચૂકવી બનાવટી સહી સિક્કા અને સાક્ષી વડે દસ્તાવેજ ઉભો કરી દુકાન પચાવી પાડવાનું ષડયંત્ર રચનાર ભાડુઆત વિરુદ્ધ ફતેગંજ પોલીસે ગુનો નોંધી તેની ધરપકડના ચક્રો ગતિમાન કર્યા હતા.

આ અંગેની વિગત એવી છે કે શહેરના નિઝામપુરા વિસ્તારમાં આવેલ તાસ્કંદ સોસાયટીમાં રહેતા હનુમાન રામ મિસ્ત્રીની નિઝામપુરા વિસ્તારમાં આવેલ પરમેશ્વર પાર્ક સોસાયટી ખાતે દુકાન આવેલી છે. જે દુકાન શ્યામભાઈ બિશ્વાસ ( રહે - અમૃત પાર્ક એપાર્ટમેન્ટ સમા તળાવ ચાર રસ્તા પાસે સમા-સાવલી રોડ વડોદરા) ને મહિને ભાડે આપી હતી, પરંતુ ધંધામાં નુકસાની આવતા ભાડું ઘટાડીને 42 હજાર કર્યું હતું અને અગાઉના ભાડા પેટે 2,51 લાખની રકમ બાકી હતી.