News of Friday, 12th January 2018

કુટુંબની જવાબદારી આવી પડતા વડોદરાના યુવાને ફાસો ખાધો

વડોદરા: શહેરના અમરાઇવાડી વિસ્તારમાં રહેતા એક યુવાને ગળાફાંસો ખાઇ આત્મહત્યા કરતા પોલીસે તપાસ હાથ ધરી છે. આ અંગેની વિગત એવી છે કે, અમરાઇવાડીમાં સર્વોદયનગર ગુજરાત હાઉસિંગ બોર્ડના મકાનમાં રહેતા નિકુંજ ભગવતપ્રસાદ જોશીના પિતાનું ત્રણ દિવસ પહેલાં અવસાન થતા પોતે એકલો હોવાથી કુટુંબની જવાબદારી આવી પડતાં મનમાં લાગી આવતાં તેણે ગળાફાંસો ખાઇ જીવન ટૂંકાવી નાખ્યું હતું. ત્રણ દિવસના અંતરમાં પિતા-પુત્રના મોત થતાં આ ઘટનાએ અરેરાટી ફેલાવી છે.

(4:55 pm IST)
  • ભાગેડુ અપરાધી અને ઉદ્યોગપતિ વિજય માલ્યાના પ્રત્યર્પણના કેસમાં લંડનની અદાલતમાં ગુરુવારે યોજાયેલી સુનાવણીનું કોઇ નક્કર પરિણામ આવ્યું નથી. વિજય માલ્યાનું પ્રત્યર્પણ ફરીથી પાછું ઠેલાયું છે. પુરાવાનો સ્વીકાર કરવો કે નહીં તે બાબતે વિજય માલ્યાના વકીલે દલીલ અને રજૂઆત કર્યા બાદ માલ્યાના જામીન બે એપ્રિલ સુધી લંબાવવામાં આવેલ છે. access_time 3:54 pm IST

  • સુપ્રીમ કોર્ટના જજોના વિવાદ પર કૉંગ્રેસે SIT દ્વારા તપાસ કરાવવાની કરી માંગ : પત્રકાર પરિષદમાં ન્યાયમૂર્તિઓના મુદ્દે કોંગેસ અધ્યક્ષ રાહુલ ગાંધીએ કહ્યું કે આ ઘટના અભૂતપૂર્વ છે, પ્રથમ વખત આવી ઘટના બની છે - ન્યાયમૂર્તિઓએ જસ્ટીસ લોયાની વાત કરી છે, તેની ઉચ્ચ સ્તરે તપાસ કરાવો - ન્યાયમૂર્તિઓનો પ્રશ્ન અત્યંત મહત્વપૂર્ણ છે તેનો ત્વરિત ઉકેલ લાવવો જોઈએ - સમગ્ર દેશને અદાલતી પ્રણાલી પર સંપૂર્ણ વિશ્વાસ છે : શ્રી સુર્જેવાલાએ વધુમાં કહ્યું કે સુપ્રીમ કોર્ટને ન્યાયમૂર્તિઓ દ્વારા ઉઠાવવામાં આવેલા મુદ્દાઓ પર વિચાર કરવો જોઇએ : જજો દ્વારા થયેલ પત્રકાર પરિષદ લોકશાહી પર દૂરગામી અસર કરશે access_time 8:11 pm IST

  • શુક્રવારે બ્લાઇન્ડ ક્રિકેટ વર્લ્ડ કપના ત્રીજા મેચમાં ભારતે પાકિસ્તાનને સાત વિકેટે હરાવ્યું હતું. આ ટુર્નામેન્ટ યુનાઇટેડ આરબ એમિરેટ્સમાં રમાય રહી છે. access_time 6:52 pm IST