Gujarati News

રાજકોટ તા.૧૦  : મુખ્યમંત્રીશ્રી વિજયભાઈ રૂપાણીના હસ્તે આજે GTUના વિદ્યાર્થીઓ દ્વારા પ્રી- સ્કૂલના બાળકોને વધુ સારી રીતે ટેકનોલોજી શીખવવા અને તેમની સાથે સંપર્ક કરવાના હેતુથી વિકસાવેલ ઓગમેન્ટેડ રિયાલિટી આધારિત શૈક્ષણિક ફ્લેશકાર્ડ કીટ “મોવેલ”નું ગાંધીનગરથી લોન્ચિંગ કરવામાં આવ્યું હતું. 

આ પ્રસંગે GTUના વાઇસ ચાન્સેલર શ્રી નવીન શેઠ ખાસ ઉપસ્થિત રહ્યા હતા. 

વાઈરલ બ્રેઈન સિસ્ટમ્સ એ જીટીયુના ઈનોવેટીવ વિદ્યાર્થીઓ- શ્રી ભૂષણ જાધવ, શ્રી નિરજ વેણુગોપાલ, શ્રી રવિ શર્મા અને શ્રી હેમિક મહેતા અને જીટીયુના ઈન્ક્યુબેટરના સંયુક્ત પ્રયાસો છે. મોવેલએ શિક્ષણ પ્રણાલીના ક્ષેત્રમાં નવીનતા છે તેમજ ઓગમેન્ટેડ રિયાલિટી અને વર્ચ્યુઅલ રિયાલિટીની નવી એજ ટેકનોલોજીનો ઉપયોગ કરીને ફન થ્રુ લર્નિંગને પ્રોત્સાહિત કરે છે.

ભારતને વધુ સશક્ત બનાવવા અને ઉદ્યોગ સાહસિકતા સ્ટાર્ટઅપ ઇન્ડિયા ચળવળને પ્રોત્સાહન આપવા માટે પ્રધાનમંત્રીશ્રી નરેન્દ્રભાઈ મોદીના મહાન દ્રષ્ટિકોણથી નવી ઉંચાઈઓ પ્રાપ્ત કરી છે. આ સ્ટાર્ટઅપ ઇન્ડિયા ચળવળથી ઘણા યુવાનોને ફાયદો થયો છે અને પોતાનું એન્ટરપ્રાઇઝ બનાવ્યું છે, ગુજરાતના મુખ્યમંત્રીશ્રી વિજયભાઇ રૂપાણીએ શિક્ષણ મંત્રાલય અને ઇન્ક્યુબેશનને ઉત્તમ સ્તરે વિદ્યાર્થીઓને ટેકો આપવા સતત પ્રોત્સાહિત કરી રહ્યા છે. 

MOVEAAL, Viral Brain System Pvt. Ltd.નું ઉભરતું ટેક આધારિત પ્રોડકટ છે, જે GTU ઇન્ક્યુબેટર દ્વારા ઇન્ક્યુબેટેડ અને સપોર્ટેડ છે. MOVEAAL એ ઓગમેન્ટેડ રિયાલિટી આધારિત શૈક્ષણિક ફ્લેશકાર્ડ કીટ છે જે પ્રી-સ્કૂલનાં બાળકોને વધુ સારી રીતે ટેકનોલોજી શીખવા અને તેની સાથે સંપર્ક કરવા માટે વિકસાવવામાં આવી છે. તેમાં જંગલ સફારી, ફાર્મવિઝિટ, સ્પેસ એક્સપ્લોરેશન, મૂળાક્ષરો અને સંખ્યાઓ જેવા 150થી વધુ કાર્ડ્સ સહિત પાંચ અલગ અલગ કેટેગરી છે. આ સેટ એન્ડ્રોઇડ અને આઇઓએસ બંને પ્લેટફોર્મ માટે ઉપલબ્ધ મોબાઇલ એપ્લિકેશન સાથે આપવામાં આવે છે. આ પ્રોડક્ટમાં બહુવિધ ભાષાકીય સમજૂતી, ઇન્ટરેક્ટિવ 4D+ પર્યાવરણ, તેમના અવાજો સાથે એનિમેટેડ પાત્રો અને દરેક કાર્ડ માટે વિગતવાર સમજૂતી સહિત ઘણી અદ્યતન સુવિધાઓ છે. આ એપથી આપેલ કાર્ડ્સ સ્કેન કરી શકાય છે અને  AR ને એક્સેસ કરી શકાયછે.

આ ટેક આધારિત પ્રોડક્ટ શાળાના બાળકોને ઇમર્જિંગ ટેક શીખવામાં મદદ કરશે અને ભવિષ્યના બજાર સાથે સ્પર્ધા કરવા માટે જરૂરી કુશળતા વધારશે જે આપણા દેશને અદ્યતન બનાવવા માટે યોગદાન આપશે. આ ક્રાંતિકારી પહેલ આપણી શિક્ષણ પ્રણાલીને ઉન્નત બનાવશે અને આપણા યુવાનોને મેક ઇન ઇન્ડિયા ઉત્પાદનો તરફ પ્રેરિત કરી શકાય છે.

ગુજરાતની અગ્રણી ઇનોવેટિવ યુનિવર્સિટી, ગુજરાત ટેકનોલોજીકલ યુનિવર્સિટી- જીટીયુ અને તેના ઇન્ક્યુબેટર, GIC એ સેંકડો વિદ્યાર્થીઓને પોતાનું સ્ટાર્ટઅપ બનાવવા અને તેમના વિચારોને સમાજ માટે વ્યવહારુ ઉકેલોમાં રૂપાંતરિત કરવા માટે પ્રેરિત કર્યા છે. જીટીયુ આઈડિયાથી સ્ટાર્ટઅપ સુધી હેન્ડ હોલ્ડિંગ પૂરી પાડે છે જેમાં સ્ટાર્ટઅપ્સ માટે આઈડિયા મૂલ્યાંકન, માર્ગદર્શન, કામ કરવાની જગ્યા અને પ્રારંભિક ફંડનો સમાવેશ થાય છે.