Gujarati News

(કેતન ખત્રી), અમદાવાદઃ એડવર્ટાઇઝિંગ સ્‍ટાન્‍ડર્ડ્‍સ કાઉન્‍સિલ ઓફ ઇન્‍ડિયા એએસસીઆઈ (ASCI)એ ઓક્‍ટોબર ૨૦૨૧માં તેના જેન્‍ડર નેક્‍સ્‍ટ રિપોર્ટના સફળ લોન્‍ચનું અનુસરણ કર્યું છે, જે એએસસીઆઈ (ASCI) અને ફયુચરબ્રાન્‍ડ્‍સ દ્વારા કરવામાં આવેલ અભ્‍યાસ છે, જેમાં હાનિકારક જેન્‍ડર  સ્‍ટીરિયોટાઇપ્‍સ સામે રક્ષણ આપતી માર્ગદર્શિકા બહાર પાડવામાં આવી છે. ઈન્‍ડિયા હેબિટેટ સેન્‍ટર ખાતે આયોજિત એક કાર્યક્રમમાં અને કેન્‍દ્રીય મહિલા અને બાળ વિકાસ મંત્રી શ્રીમતી સ્‍મળતિ ઈરાનીની અધ્‍યક્ષતામાં માર્ગદર્શિકા બહાર પાડવામાં આવી હતી. જેન્‍ડર ચિત્રણ એ એક જટિલ અને સૂક્ષ્મ મુદ્દો છે અને માર્ગદર્શિકા એએસસીઆઈના ચેપ્‍ટર III (હાનિકારક પરિસ્‍થિતિઓ સાથે સંબંધિત) નું અર્થઘટન પ્રદાન કરે છે, જે વ્‍યક્‍તિઓ અથવા સમાજને નુકસાન પહોંચાડી શકે તેવી જાહેરાતો સાથે કામ કરે છે. કંતાર દ્વારા તાજેતરનો અભ્‍યાસ દર્શાવે છે કે ૬૪ ટકા ગ્રાહકો માને છે કે જાહેરાતો હાનિકારક જેન્‍ડર સ્‍ટીરિયોટાઇપ્‍સને નાબૂદ કરવામાં મદદ કરવાને બદલે વધુ મજબૂત બનાવે છે.

સુભાષ કામથ, (ચેરમેન, એએસસીઆઈ)એ કહ્યું કે નવી માર્ગદર્શિકા ઘણા ભાગીદારો સાથે વ્‍યાપક પરામર્શ કર્યા પછી બનાવવામાં આવી હતી- બંને ઉદ્યોગો, તેમજ નાગરિક સમાજ સંસ્‍થાઓ, જેમાં અનસ્‍ટીરિયોટાઇપ એલાયન્‍સ અને યુનિસેફનો સમાવેશ થાય છે. આ દિશાનિર્દેશો વધુ જવાબદાર અને પ્રગતિશીલ કથાને આકાર આપવા માટે ASCIના કાર્યસૂચિને મજબૂત કરવા માટે એક મોટું પગલું હોવાનું જણાવેલ.