Gujarati News

Gujarati News

News of Friday, 9th February 2018

કલોલના શેરથા પાસે કારની ટક્કરે એક્ટિવા સવાર શિક્ષિકાનું કરૂણમોત

અકસ્માત સર્જી કારચાલક પલાયન ;શાળા ન,4ના શિક્ષિકા જશુબેનના મોતથી ઘેરા શોકની લાગણી

કલોલના શેરથા પાસે કારની ટક્કરે એક્ટિવા સવાર શિક્ષિકાનું કરૂણમોત

   કાલોલના શેરથા પાસે કારની ઠોકરે એક્ટિવા સવાર શિક્ષિકાનું કરૂણમોત નીપજ્યું છે આજે સવારે એકટીવા લઈને પસાર થઈ રહેલ શિક્ષિકાના એકટીવાને સામેથી આવી રહેલ કારએ ધડાકાભેર ટકકર મારતા થયેલ અકસ્માતમાં માથાના ભાગે ગંભીર ઈજાઓ થતા શિક્ષિકાનું ઘટના સ્થળે જ કમકમાટી ભર્યુ મોત નિપજયું હતું. અકસ્માત બાદ કારનો ચાલક ઘટના સ્થળે કાર મૂકી પલાયન થઈ ગયો હતો. શિક્ષિકાના મોતને પગલે શાળા પરિવાર તથા તેમના કુટુંબીજનોમાં ઘેરા શોકની લાગણી ફેલાઈ છે

  આ અંગેની વિગત મુજબ ચાંદખેડામાં વારીનાથ ચોક પાસેના ઓમ બંગ્લોઝમાં રહેતા જશુબેન ચતુરભાઈ રાઠોડ (ઉ.વ.આ.પ૬) શાળાનં. ૪ માં શિક્ષિકા તરીકે ફરજ બજાવે છે.આજ સવારના સમયે તેઓ ઘરેથી પોતાનું એકટીવા નં. જી.જે. ૧ સી ઈ ૩૩૪૭ લઈને સ્કૂલે આવવા નીકળ્યા હતા ત્યારે તેઓ ૧૦:ર૬ એ શેરથા હાઈવેના ર્સિવસ રોડ પરથી પસાર થઈ રહયા હતા ત્યારે સામેથી આવી રહેલ વેગનઆર કારનં જી.જે. ૧ કે ડી ૬૩૮૦ ના ચાલકે એકટીવાને ધડાકાભેર ટકકર મારતા અકસ્માત સર્જાયો હતો જેમા એકટીવા પર સવાર જશુબેનને માથાના ભાગે ગંભીર ઈજાઓ થતા તેમનું ઘટના સ્થળે જ કમકમાટી ભર્યુ મોત નિપજયું હતું.       અકસ્માતની જાણ ટોલટેક્ષના ઈમરજન્સી સ્ટાફને થતા તેઓ ઘટના સ્થળે દોડી આવ્યા હતા અને લાશને પી.એમ માટે ગાંધીનગરની સીવીલમાં લઈ જવામાં આવી હતી અને કારને ક્રેઈનની મદદથી રસ્તા પરથી દૂર કરી રસ્તો ખુલ્લો કર્યો હતો

(8:39 pm IST)
  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST

  • રાજૂલા, જાફરાબાદ અને ટીંબીમાં ભૂકંપનો આંચકો અનુભવાયો : આસપાસના 10થી વધુ ગામડાંમાં ભૂકંપની અસર જોવા મળી : અનેક વિસ્તારોમાં મકાનોમાં તિરાડો પડી access_time 4:41 pm IST

  • ભારત અને પેલેસ્ટાઈન વચ્ચે છ કરારો થયાઃ પેલેસ્ટાઈનની મુલાકાતે ગયેલ ભારતના વડાપ્રધાન નરેન્દ્ર મોદીએ સન્માન માટે પેલેસ્ટાઈનનો આભાર માન્યો : બંને દેશો વચ્ચે આરોગ્ય, પર્યટન અને રમત-ગમત ક્ષેત્રે કરારો થયા access_time 5:50 pm IST