Gujarati News

Gujarati News

News of Friday, 9th February 2018

તલોદ-મજરા રોડ પર વાહન અકસ્માતમાં આંઠ મહિલા સહીત 15ને ઇજા

સાબરકાંઠા: જિલ્લાના તલોદ- મજરા રોડ ઉપર ખારી નદીના પુલના છેડે થયેલા એક વાહન અકસ્માતમાં આઠ મહિલાઓ સહિત કુલ ૧૫ વ્યક્તિઓને ઈજા થઈ હતી. જે પૈકીના ૭ મુસાફરોને ભારે ઈજાઓ થતાં તલોદથી હિંમતનગર સિવિલ હોસ્પિટલ ખાતે ખસેડાઈ હતી. તલોદ તાલુકાના વજાપુર ગામેથી 'છોટા હાથી' વાહનમાં પ્રાંતિજ તાલુકાના ઇન્દ્રાજપુર- પોયડા ગામે લૌકિકે જવા નીકળેલા મુસાફરોને માર્ગમાં આ અકસ્માત નડયો હતો. પુલના છે ેડે એકાએક છોટા હાથી વાહન પલ્ટીઓ ખાઈ જતાં આ અકસ્માત સર્જાયો હતો. વજાપુર ગામેથી છોટા હાથી વાહનમાં વજાપુરના ઝાલા પરિવારના સદસ્યો બોભા નજીકના ઇન્દ્રાજપુર- પોયડા ગામે લોકિતે જવા નીકળ્યા હતા. આ મુસાફર ભરેલું છોટા હાથી વાહન તલોદ- મજરા રોડ ઉપરના ભાટીયા- દલાની મુવાડી વચ્ચે દોડી રહ્યું હતું ત્યારે ખારી નદીનો પુલ પસાર કર્યા બાદ પલટીઓ ખાઈ ગયું હતું. મહિલાઓ તથા પુરુષો રોડ ઉપર ફંગોળાઈ પડયા હતા જ્યાં ૮ મહિલા અને ૭ પુરુષો મળી કુલ ૧૫ મુસાફરો ઇજાગ્રસ્ત બન્યા હતા. જે પૈકીના ૨ મહિલા સહિતના ૭ મુસાફરો વધુ થઈ હતી. તમામ ઇજાગ્રસ્તોને ૧૦૮ની એમ્બ્યુલન્સ દ્વારા તલોદ રેફરલ હોસ્પિટલમાં ખસેડવામાં આવ્યા હતા જ્યાં વધુ ઇજાઓના કારણે ૭ ઇજાગ્રસ્તોને હિંમતનગર સિવિલ હોસ્પિટલ ખાતે મોકલી આપ્યા હતા.

 

 

(5:18 pm IST)
  • ભારત - દક્ષિણ આફ્રિકા મહિલા થર્ડ વનડે : ડુ પ્રીઝે દક્ષિણ આફ્રિકાને જીત અપાવી : છતાં ટીમ ઈન્ડિયાએ શ્રેણી 2-1થી જીતી લીધી : સ્મૃતિ માંન્ધાનાને પ્લેયર ઓફ ધ સિરીઝ એવોર્ડ એનાયત કરવામાં આવ્યો access_time 12:56 am IST

  • રાજસ્થાનના ભીલવાડામાં હલવો ખાધા બાદ પાંચના મોત : ત્રણ ગંભીર : હોસ્પિટલમાં ખસેડાયા : ફૂડ પોઇઝનની અસર : હલવામાં કોઈ ઝેરી પ્રદાર્થ પડ્યો કે કેમ ? તપાસ શરૂ : એક ઘરમાં હળવો ખાધા બાદ તબિયત બગડી : ભીલવાડાના ભૂટેલમાં બનાવ access_time 9:23 am IST

  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST