Gujarati News

Gujarati News

News of Friday, 9th February 2018

લીબાસી પોલીસે ભલાડા-મઘરોલ રોડ પરથી બે બળદને લઇ જતા ટેમ્પાની અટકાયત કરી

માતર:તાલુકાના ભલાડા-મઘરોલ રોડ પરથી ગઈકાલે સાંજે લીંબાસી પોલીસે બે બળદો ભરેલ ટેમ્પો ઝડપી પાડ્યો હતો જો કે ચાલક ફરાર થઈ જવામાં સફળ રહ્યો હતો

 


પોલીસ સૂત્રોમાંથી મળેલ વિગત મુજબ લીંબાસી પોલીસ ગઈકાલે સાંજે ભલાડા-મઘરોલ રોડ ઉપર પેટ્રોલીંગમાં નીકળી હતી. દરમિયાન પૂરપાટ ઝડપે આવતા છોટા હાથી ટેમ્પાનં. જીજે- વાય વાય ૧૧૨૫ને ઉભો રાખવા ઈશારો કરતા ટેમ્પાના ચાલકે ટેમ્પો હંકારી મૂકી થોડે દૂર ટેમ્પો મૂકી ફરાર થઈ ગયો હતો. જેથી પોલીસે ટેમ્પામાં બેઠેલ એક ઈસમની અટક કરી પૂછપરછ કરતાં હર્ષદભાઈ સોલંકી (રહે. રામોલ, તા. વસો) હોવાનું જણાવ્યું હતું. તેમાંથી બે બળદોને ક્રૂરતાપૂર્વક બાંધેલા મળી આવ્યા હતા. પ્રાથમિક તપાસમા બળદોને કતલખાને લઈ જવાતા હોવાનું ખુલવા પામ્યું છે

લીંબાસી પોલીસે બે બળદો કિંમત રૂપિયા ૪૫,૦૦૦ તથા ટેમ્પો મળી કુલ ,૯૫, ૦૦૦ નો મુદ્દામાલ જપ્ત કર્યો હતો. જ્યારે ભાગી ગયેલ ટેમ્પા ચાલકને ઝડપી પાડવા તપાસ હાથ ધરી છે.

(5:17 pm IST)
  • ફેહકુલ્વાયોની સિક્સર સાથે સાઉથ આફ્રિકાએ ચોથો વનડે 5 વિકેટે ભારત સામે જીતી લીધો : મેચમાં શીખર ધવનની નોંધાઈ જબરદસ્ત સદી : ભારતે આપેલ ૨૮ ઓવરમાં ૨૦૨ રનનો ટાર્ગેટ સાઉથ આફ્રિકાએ સરળતાથી પાર પાડ્યો : ભારત હજુ પણ સીરીઝમાં ૩-1થી આગળ access_time 1:56 am IST

  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST

  • અમિત શાહની મુલાકાત દરમિયાન સુરક્ષા માટે હરિયાણા સરકારે કેન્દ્ર પાસે ૧૫૦ CRPFની કંપનીઓ માંગી : જાટ સમુદાયના વિરોધનો ડર? access_time 12:31 pm IST