News of Friday, 9th February 2018

હાર્દિક ફરી આંદોલન કયાંથી શરૂ કરશે, કયા મુદ્દા હશે, લોકોનો કેવો પ્રતિસાદ મળશે? આઇબી દ્વારા ખાનગીમાં સર્વે

આંદોલનની જાહેરાતથી ગાંધીનગર ચોંકયું: માંડ માંડ નિરાંતનો શ્વાસ લેનાર પોલીસ તંત્ર પણ નવી ઉપાધીથી ભારે મુંઝવણમાં

રાજકોટ, તા., ૯: પાટણના ચાણસ્મા  અને સિધ્ધપુર ખાતે પોતાની સામેની આચારસંહિતા ભંગ બદલની ફરીયાદ સંદર્ભે પોલીસ મથકમાં હાજરી આપવા આવેલા હાર્દિક પટેલે એક માસ બાદ રાજય સરકાર સામે ફરીથી આંદોલનનો ધમધમાટ શરૂ કરવાની જાહેરાત કરતા જ ગાંધીનગર ચોંકી ઉઠયું છે.

સુત્રોમાંથી સાંપડતા નિર્દેશો મુજબ હાર્દિક પટેલનું આંદોલન કેવા પ્રકારનું રહેશે?  આંદોલન કયાંથી શરૂ થશે? આંદોલનમાં કયા મુદ્દાનો સમાવેશ થશે? લોકોમાંથી આંદોલનને કેવો પ્રતિસાદ મળશે? વિગેરે બાબતે ઇન્ટેલીજન્સ બ્યુરો દ્વારા પોતાના રાજયભરના યુનીટો મારફત ખાનગીમાં સર્વે ચાલી રહયાનું ટોચના સુત્રોમાંથી જાણવા મળે છે.

બીજી તરફ વિધાનસભાની ચુંટણીઓ, સ્થાનીક સ્વરાજયની ચુંટણીઓ, વિવિધ સરકારી ઉત્સવો, પતંગ ઉત્સવ વિગેરેમાંથી માંડ માંડ નિરાંતનો શ્વાસ લેનાર રાજયભરના પોલીસ તંત્રને પણ નવેસરથી હાર્દિક પટેલના બંદોબસ્તને કારણે ટાંટીયા તોડ કરવી પડશે તેવી ભીતી આગોતરી સતાવી રહી છે. પોલીસ સ્ટાફ હવે રજાઓમાં કાપ આવશે, ફરજનો સમય નિશ્ચિત નહિ રહે તેવી ભીતીથી મુંઝાઇ રહયો છે.

અત્રે યાદ રહે કે, વિધાનસભા ચુંટણીઓ સહિતની ચુંટણી, રોડશો અને સરકારી કાર્યક્રમોની હારમાળાને કારણે પોલીસ તંત્ર લાંબા સમયથી શારીરીક-માનસીક રીતે થાકી ગયું છે. પોલીસનું મનોબળ વધે તે માટે રાજકોટના પોલીસ કમિશ્નર અનુપમસિંહ ગેહલોત જેવા અનુભવી અધિકારીઓએ પોતાના સ્ટાફને શરીરીક-માનસીક આરામ મળે તે માટે વારાફરતી રજાઓ મંજુર કરી  પોલીસનુંં મનોબળ ન તુટે તેવા સઘન પ્રયાસો કર્યા હતા.

દરમિયાન હાર્દિક પટેલે એવું જણાવ્યું હતુ કે મારી પર આચારસંહિતાના ખોટા કેસ કરવામાં આવ્યા છે. હું કોઇ રાજકીય નેતા નથી કે મારી સામે આચારસંહિતા ભંગના કેસ થાય? તેઓએ સરકાર પર પ્રહાર કરતા જણાવેલ કે એક તરફ પાટીદારો સામેના કેસો પાછા ખેંચવાની જાહેરાતો સરકાર કરે છે. બીજી તરફ વધુને વધુ કેસો નોંધતી જાય છે. આ બાબતે ઉગ્ર વિરોધ કરવાની જાહેરાત કરી હતી. દરમિયાન આચારસંહિતા ભંગ મામલે ચાણસ્મા પોલીસ મથકમાં હાર્દિક પટેલ હાજર રહયો ત્યારે ધારાસભ્ય કીરીટ પટેલ સહિતના મોટી સંખ્યામાં હાજર પાટીદારોએ હાર્દિકનું સ્વાગત કરેલ. પોલીસ મથકમાં હાથમાં સ્લેટ પકડાવી આરોપી તરીકે હાર્દિકના ફોટા પડાયાનું પણ સુત્રો જણાવે છે. (૪.૯)

(1:38 pm IST)
  • જમ્મુ કાશ્મીર વિધાનસભામાં હોબાળોઃ પાકિસ્તાન વિરોધી સુત્રોચાર ભાજપના ધારાસભ્યોએ નારા લગાવ્યાઃ કેમ્પની બાજુમાં જ રહેતા હતા રોર્હિગ્યાઃ જૈશે રોહિગ્યાને બનાવ્યા હથિયાર access_time 2:03 pm IST

  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST

  • સીરિયાએ ઇઝરાયલનું ફાઇટર જેટ હવામાજ ફૂકી માર્યું : વળતા જવાબમાં ઇઝરાયેલે સીરિયા પર મોટા પાયે હવાઈ હુમલા શરૂ કર્યા : ઇઝરાયલના લશ્કરી પ્રવક્તા જોનાથન કોનરીક્સ અનુસાર દમાસ્કસની નજીકના ચાર ઈરાનિયન લક્ષ્યાંકો ઇઝરાયલે ફૂંકી માર્યા છે. access_time 7:35 pm IST