News of Friday, 9th February 2018

ભાભી ઉપર રીક્ષા ચઢાવી દેવાના પ્રયાસ:ઠપકો આપતા ઉશ્કેરાયેલ દિયરે ધારિયું માર્યું :કઠલાલ પંથકનો બનાવ

આંગણામાં છાણ માટીથી લીપણ કરતા કમળાબેન ઉપર દિયર પોપટે રીક્ષા ચઢાવી દેવા કર્યો પ્રયત્ન :ઠપકો આપતા ખંભા અને પગની પેડીએ ધારિયું ઝીકયુ

 

ખેડા: જિલ્લાના કઠલાલ તાલુકાના શીરની મુવાડી તાબે તાંતરીયા ગામમાં ભાભી ઉપર રીક્ષા ચઢાવી દેવાનો પ્રયત્ન કરતા દિયરને બાબતે ઠપકો આપતા ઉશ્કેરાયેલા દિયરે ધારીયું લઈ  ભાભીને મારીને ઈજાઓ પહોંચાડી ધમકીઓ આપ્યાની કઠલાલ પોલીસમાં ફરિયાદ દાખલ કરાઈ છે જે અંગે પોલીસે ગુનો નોંધી વધુ તપાસ હાથ ધરી છે.

    મળતી માહિતી મુજબ કઠલાલ તાલુકાના શીરની મુવાડી તાબે તાંતરીયામાં કમળાબેન શીવાભાઈ પરમાર (..૩૦) પરિવાર સાથે રહી ખેતી અને ઘરકામ કરે છે.બુધવારે સવારના અગિયાર વાગ્યાના સુમારે કમળાબેન પોતાના ઘરના આંગણામાં છાણ માટીથી લીપણ કરી રહ્યા હતા ત્યારે તેણીનો દિયર પોપટ ખોડાભાઈ પરમાર રીક્ષા લઈને આવ્યો હતો અને કમળાબેન ઉપર રીક્ષા ચઢાવી દેવાનો પ્રયત્ન કર્યો હતો.જેથી કમળાબેને તેને ઠપકો આપતા દિયર પોપટ પરમાર રીક્ષાને ઘર આગળ ઉભી રાખી ઘરમાંથી ધારીયું લઈ આવી કમળાબેનને જમણા ખભા ઉપર અને ડાબા પગની પેડી ઉપર મારી ઈજાઓ પહોંચાડી ગાળો બોલી જાનથી મારી નાખવાની ધમકીઓ આપી હતી
   બનાવથી ગભરાઈ ગયેલા કમળાબેન પરમારે કઠલાલ પોલીસ મથકે ફરીયાદ નોંધાવતા પોલીસે પોપટ ખોડાભાઈ પરમાર સામે ગુનો નોંધી  કાર્યવાહી હાથ ધરી છે.

(9:05 am IST)
  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST

  • સુનાવણીના સીધા પ્રસારણ કરવા અરજી મામલે સુપ્રીમ કોર્ટે કેન્દ્ર સરકાર પાસે માંગ્યો જવાબ : બંધારણીય અને મહત્વના રાષ્ટ્રીય મામલાની સુનાવણીનું સીધું પ્રસારણ કરવાની અરજીમાં કેન્દ્રને પોતાનો પક્ષ જણાવવા સુપ્રીમ કોર્ટે કહ્યું access_time 9:23 am IST

  • ફેહકુલ્વાયોની સિક્સર સાથે સાઉથ આફ્રિકાએ ચોથો વનડે 5 વિકેટે ભારત સામે જીતી લીધો : મેચમાં શીખર ધવનની નોંધાઈ જબરદસ્ત સદી : ભારતે આપેલ ૨૮ ઓવરમાં ૨૦૨ રનનો ટાર્ગેટ સાઉથ આફ્રિકાએ સરળતાથી પાર પાડ્યો : ભારત હજુ પણ સીરીઝમાં ૩-1થી આગળ access_time 1:56 am IST