Gujarati News

Gujarati News

News of Thursday, 8th March 2018

ગાંધીનગરમાં કલેક્ટર કચેરીની બહાર યુવકે આત્મવિલોપનનો પ્રયાસ કરતા ચકચાર

પાટણ:ની આત્મવિલોપનની ઘટના બાદ જાણે આત્મવિલોપનની ચીમકીઓની મોસમ ચાલી રહી હોય એમ એક પછી એક આત્મવિલોપનની ચીમકીઓ ઉચ્ચારવામાં આવી રહી છે. જોકે, આવી ચીમકીઓના પગલે તંત્ર પણ સતર્ક બની ગયું છે. આવી જ એક ઘટના ગાંધીનગરમાં બની છે જેમાં કલેક્ટર ઓફિસની બહાર એક યુવકે આત્મવિલોપનનો પ્રયત્ન કર્યો હતો. જોકે, પોલીસ દ્વારા તેની અટકાયત કરીને સારવાર માટે હોસ્પિટલમાં ખસેડાયો હતો.

મળતી માહિતી પ્રમાણે ગાંધીનગર જિલ્લાના દહેગામ તાલુકાના લવાડ ગામના એક યુવકે ગાંધીનગર કલેક્ટર ઓફિસ બહાર આત્મવિલોપનનો પ્રયત્ન કર્યો હતો. સુત્રોના જણાવ્યા પ્રમાણે નોકરી ઉપર પરત લેવાની માંગણી સાથે આ યુવકે આત્મવિલોપનનો પ્રયત્ન કર્યો હતો. જોકે, આ ઘટનાની જાણ થતાં પોલીસે તરત જ યુવકની અટકાય કરી હતી. ત્યાર બાદ તેને સારવાર માટે હોસ્પિટલ ખસેડવામાં આવ્યો હતો.

(5:54 pm IST)
  • જીતેન્દ્ર પરના જાતિય શોષણના કેસમાં નવો વળાંક : તેની કઝિને ફેરવી તોળ્યું, હવે કહ્યું ‘માત્ર છેડતી કરી હતી, સંબંધ નહોતો બાંધ્યો’ access_time 9:24 am IST

  • પાકિસ્તાનને અમેરિકાનો વધુ એક ઝટકો : 3 આતંકવાદીઓ પર જાહેર કર્યા 70 કરોડના ઈનામ : મુલ્લા ફઝલુલ્લાહ પર 5 મિલિયન ડૉલર (લગભગ 32 કરોડ રૂપિયા) અને બાકીના બંને અબ્દુલ વલી અને મનાલ વાઘ પર ત્રણ-ત્રણ મિલિયન ડોલર (એટલે કે 19-19 કરોડ)નું ઈનામ રાખવામાં આવ્યું છે. access_time 1:16 pm IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST