News of Thursday, 8th March 2018

૧૦ લાખથી વધુ વસ્તીવાળા શહેરોમાં મલ્ટી મોડેલ ટ્રાન્સપોર્ટ સુવિધા : માંડવિયા

અમદાવાદ તા.૧ : રાજયસભામાં પુછાયેલ એક પ્રશ્નના ઉત્તરમાં કેન્દ્રિય  રોડ ટ્રાન્સપોર્ટ અને હાઇવેઝ, શીપીંગ, કેમિકલ્સ અને ફર્ટીલાઇઝર્સ મંત્રી  મનસુખભાઇ માંડવીયાએ જણાવેલ હતું કેદેશમાં પબ્લિક ટ્રાન્સપોર્ટની સુવિધા વધારો કરવા ભારત રસકાર પ્રયત્નશીલ છે અને સાથે જ ગ્રીન ટેકનોલોજીનો પણ વિસ્તાર થાય તેનું ધ્યાન રાખવામાં આવી રહયું છે. દસ લાખથી વધુ વસ્તી ધરાવતા શહેરોમાં મલ્ટી મોડેલ ટ્રાન્સપોર્ટ વિકસાવવા સરકારે દરખાસ્ત મંગાવેલ છે. આ અન્વયે દરેક દસ લાખથી વધુ વસ્તી ધરાવતા શહેરો અને સ્પેશીયલ સ્ટેટટમાં રૂ.૧૦પ કરોડની મર્યાદામાં ગ્રાન્ટ આપવાની જોગવાઇ કરેલ છે. આ મલ્ટી મોડેલ ટ્રાન્સપોર્ટ સુવિધા ઇલેકટ્રીક બસ, ઇલેકટ્રીક ફોર  વ્હીલ ટેક્ષી અને ઇલેકટ્રીક થ્રી વ્હીલર દ્વારા પુરી પાડવામાં આવશે.

ભારત સરકારનાં મંત્રાલયને જુદા જુદા ર૧ જેટલા રાજયોમાંથી ૪૪ શહેરોને સમાવતી ૪૭ દરખાસ્ત મળી છે. જેના દ્વારા ૩,૧૪૪ ઇ-બસ, ર૪૩૦ એ-ફોર વ્હીલ ટેક્ષી અને ર૧,પ૪પ ઇ-રીક્ષાની જરૂરીયાત સામે છે. દરખાસ્તની ચુકવણી કરી જુદા જુદા  ૧૧ શહેરો દિલ્હી, અમદાવાદ, બેગ્લુર, જયપુર, મુંબઇ, લખનૌ, હૈદ્રાબાદ, ઇન્દોર, કોલકતા, જમ્મુ, ગુવાહાટીની પસંદગી કરવામાં આવેલ છે. પસંદ થયેલા શહેરોમાં વાહનોઓને ચાર્જીગ કરવાનું ઇન્ફ્રાસ્ટ્રકચર પુરૂ પાડવા રૂ.૧પ કરોડની મર્યાદામાં ફંડ આપવાનું પણ નકકી કરેલ છે.

 

(11:49 am IST)
  • સસ્પેન્ડેડ IAS અધિકારી પ્રદિપ શર્માની અટકાયતઃ સાબરમતી જેલની બહાર આવતાની સાથે જ અટકાયત : હાઈકોર્ટે હજુ ગઈકાલે જ જામીન આપ્યા હતા : વિદેશમાં હવાલા દ્વારા નાણા મોકલવામાં આવ્યાનો કેસ ચાલી રહ્યો છે access_time 3:49 pm IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST

  • સુરતના કાપડના વેપારી તુલસીસિંહ રાજપૂતના પુત્ર અમિતનો મૃતદેહ મળ્યોઃ હત્યા થઈ હોવાનું પરીવારજનોનો આક્ષેપ : મૃતદેહ સ્વીકાર ઈનકાર access_time 5:54 pm IST