Gujarati News

Gujarati News

News of Thursday, 8th March 2018

રાજયસભામાં ગુજરાત ભાજપના નેતાઓ રીપીટ થયાનો પ્રથમ પ્રસંગ

રૂપાલા-માંડવીયા સોમવારે ઉમેદવારી કરશેઃ ૩ વખત રાજયસભામાં જનાર રૂપાલા ભાજપમાં એક માત્ર નેતા

રાજયસભામાં ગુજરાત ભાજપના નેતાઓ રીપીટ થયાનો પ્રથમ પ્રસંગ

રાજકોટ, તા. ૮ :  ગુજરાતમાં રાજય સભાની ભાજપના ભાગે આવતી બે બેઠકો માટે ઉમેદવાર તરીકે કેન્દ્રીય મંત્રીઓ પરસોત્તમ રૂપાલા અને મનસુખ માંડવિયા જાહેર થઇ ગયા છે. બન્ને સોમવારે ઉમેદવારી પત્ર ભરશે. કોંગ્રેસ જો બે જ ઉમેદવાર મુકે તો ચારેય સભ્યો બીનહરીફ થઇ જશે. રૂપાલા કડવા પટેલ અને માંડવીયા લેઉવા પટેલ છે.

 

ગુજરાતમાંથી છેલ્લા ર૦ વર્ષમાં રાજયસભામાં પ્રદેશના ભાજપના કોઇ નેતા રીપીટ થયા હોય તેવું રૂપાલા-માંડવીયાના નામની જાહેરાતથી પ્રથમ વખત બન્યું છે શુભેચ્છકો આ ઘટનાને બન્નેના કામની કદર ગણે છે. બન્નેને કેન્દ્રીયમંત્રી પદે યથાવત રખાતા નજીકના ભવિષ્યમાં ગુજરાતના રાજકારણમાં મોટા ફેરફારની સંભાવના દેખાતી નથી. શ્રી રૂપાલા અગાઉ ૬ વર્ષ રાજયસભાના સભ્ય રહેલ. ચાલુ ટર્મમાં ૧ાા વર્ષથી સભ્ય છે વધુ ૬ વર્ષ માટે તેમને તક મળી છે. ગુજરાતમાંથી ભાજપના સભ્ય તરીકે ત્રીજી વખત રાજય સભામાં જનાર તેઓ પ્રથમ પ્રદેશ નેતા બનશે. ગુજરાતમાં હવે વિજય રૂપાણી માટે રાજકીય માર્ગ મોકળો જણાય છે. (૯.પ)

(11:48 am IST)
  • એસટી બસનું છેલ્લા બે વર્ષમાં સરકારી કાર્યક્રમોમાં ભારે ઉપયોગ, તેમ છતાં ભાડાની પૂરી રકમ હજુ સુધી ચૂકવાઈ નથી : બે વર્ષમાં ૪૭૦૪૧ બસો દોડાવાઈ : પરંતુ ભાડાપેટાની ૨૨.૭૮ કરોડ જેવી રકમ ચૂકવાઈ નથી access_time 5:53 pm IST

  • જીતેન્દ્ર પરના જાતિય શોષણના કેસમાં નવો વળાંક : તેની કઝિને ફેરવી તોળ્યું, હવે કહ્યું ‘માત્ર છેડતી કરી હતી, સંબંધ નહોતો બાંધ્યો’ access_time 9:24 am IST

  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST