News of Thursday, 8th March 2018

પોલીસ કર્મીઓને રિફ્રેશર તાલીમ અપાય છે : જાડેજા

વિધાનસભા ગૃહમાં માહિતી અપાઈ

અમદાવાદ,તા.૭: રાજ્યને કાયદો વ્યવસ્થા જાળવણી અને સલામતી આપવા માટે રાજ્યની પોલીસ તાલીમ સંસ્થાઓમાં પોલીસ કર્મચારી અને અધિકારીઓને રીફ્રેશરની તાલીમ આપવામાં આવી રહી હોવાનું ગૃહ રાજયમંત્રી પ્રદિપસિંહ જાડેજાએ જણાવ્યું છે.

આજે ગાંધીનગર વિધાનસભા ગૃહમાં સંતરામપુરના ધારાસભ્ય કુબેરભાઈ ડીંડોર દ્વારા રાજ્યની પોલીસ તાલીમ સંસ્થાઓ દ્વારા રીફ્રેશર તાલીમ સંદર્ભે પૂછવામાં આવેલા લેખિત પ્રશ્નો પ્રત્યુત્તર આપતાં ગૃહ રાજય મંત્રીએ જણાવ્યું હતું કે, તા. ૩૧.૧૨.૨૦૧૭ની સ્થિતિએ છેલ્લા બે વર્ષમાં રાજ્યની ચાર પોલીસ તાલીમ સંસ્થાઓમાં પોલીસ કોન્સ્ટેબલ, પોલીસ સબ-ઈન્સ્પેક્ટર અને આઈપીએસ મળીને કુલ ૬૧૨ અધિકારી-કર્મચારીઓને રીફ્રેશર તાલીમ આપવામાં આવી છે. જેમાં ગુજરાત પોલીસ અકાદમી-કરાઈમાં ૪૧૨, પોલીસ તાલીમ શાળા-વડોદરામાં ૨૬, પોલીસ તાલીમ મહાવિદ્યાલય-જુનાગઢમાં ૨૮ અને રાજ્ય અનામત પોલીસ તાલીમ કેન્દ્ર ચોકી સોરઠમાં ૧૪૬નો  સમાવેશ થાય છે, તેમ વધુમાં મંત્રીએ ઉમેર્યું હતું.

(9:14 am IST)
  • એસટી બસનું છેલ્લા બે વર્ષમાં સરકારી કાર્યક્રમોમાં ભારે ઉપયોગ, તેમ છતાં ભાડાની પૂરી રકમ હજુ સુધી ચૂકવાઈ નથી : બે વર્ષમાં ૪૭૦૪૧ બસો દોડાવાઈ : પરંતુ ભાડાપેટાની ૨૨.૭૮ કરોડ જેવી રકમ ચૂકવાઈ નથી access_time 5:53 pm IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST

  • ભવિષ્યમાં ગાંધી-નહેરુ પરિવારની બહારની વ્યક્તિ કોંગ્રેસ પ્રમુખ હોઈ શકે છે :સોનિયા ગાંધી access_time 11:55 pm IST