News of Friday, 9th February 2018

કરમસદની ટર્મીનલ ચોકડી પાસે પોલીસે વોચ ગોઠવીને બે શખ્સોને 4 લાખના બનાવટી એનએસસી સર્ટિફિકેટ સાથે દબોચ્યા

વિદ્યાનગર:પોલીસે આજે કરમસદ જવાના રોડ ઉપર આવેલી ટર્મીનલ ચોકડી પાસે વોચ ગોઠવીને બે શખ્સોને લાખની કિંમતના બનાવટી નેશનલ સેવીંગ્સ સર્ટિફિકેટ તથા બનાવટી સીક્કા, પાનકાર્ડ, આધારકાર્ડ, ઈલેક્શન કાર્ડ સાથે ઝડપી પાડતાં ચકચાર મચી જવા પામી છે. પોલીસે ત્રણ શખ્સો વિરૂધ્ધ ગુનો દાખલ કરીને પકડાયેલા બન્નેને કોર્ટમાં રજુ કરીને દિવસના રીમાન્ડ પર મેળવ્યા છે. રીમાન્ડ દરમ્યાન કેટલીક સ્ફોટક વિગતો ખુલવા પામે તેવી શક્યતાઓ જોવાઈ રહી છેપ્રાપ્ત વિગતો અનુસાર આજે સવારના સુમારે વિદ્યાનગર પોલીસ ટર્મીનલ ચોકડી પાસે વાહનો ચેક કરી રહી હતી ત્યારે સાડા આઠેક વાગ્યાના સુમારે એક સીએનજી રીક્ષા આવી ચઢી હતી જેને અટકાવીને તપાસ કરતાં અંદર એક શખ્સ સુટકેસ લઈને બેઠેલો મળી આવ્યો હતો જેથી શંકા જતાં સુટકેશ ખોલાવીને તપાસ કરતા એક થેલીમાંથી લાખની કિંમતના ૪૦ નેશનલ સેવીંગ્સ સર્ટિફિકેટ, ૧૪ સીક્કા, આધારકાર્ડ, પાનકાર્ડ, ઈલેક્શન કાર્ડ વગેરે મળી આવ્યું હતુ. જે અંગે પુછપરછ કરતાં ગલ્લાતલ્લા કરવા લાગ્યો હતો જેથી પકડાયેલા બન્નેને રીક્ષા સાથે પોલીસ મથકે લાવીને પૂછપરછ કરતાં જયંતિ મુલચંદભાઈ ઠક્કર (રે. વિદ્યાનગર)તથા રીક્ષા ચાલક અનશ અબ્દુલરહીમ વોરા (રે. ચીખોદરા)નો હોવાનું ખુલવા પામ્યું હતુ

 

પોલીસે એનએસઈ સર્ટિફિકેટની ખાતરી કરાવતા તે બનાવટી હોવાનું ખુલવા પામ્યું હતુ. જેથી જયંતિભાઈ ઠક્કરની આકરી પૂછપરછ કરતાં સર્ટિફિકેટ તેમજ મળી આવેલો મુદ્દામાલ વિદ્યાનગર રોડ ઉપર આવેલી હોટલ પાસે રહેતા અમીતભાઈ ભાનુભાઈ પટેલે બનાવી આપ્યા હોવાની કબૂલાત કરી હતી. ઉપરાંત બે લાખના એનએસઈ સર્ટિફિકેટ સુરતની ઘોડાદોડ અલ્હાબાદ બેંકમાં રજૂ કરીને .૨૦ લાખની લોન પણ લઈ લીઘી હોવાનું ખુલવા પામ્યું હતુ. પોલીસે ત્રણેય વિરૂદ્ઘ ગુનો દાખલ કરીને વધુ તપાસ અર્થે આણંદની કોર્ટમાં રજૂ કરીને રીમાન્ડની માંગણી કરતા કોર્ટે સાત દિવસના રીમાન્ડ મંજૂર કર્યા હતા. રીમાન્ડ દરમ્યાન ફરાર થઈ ગયેલા અમિતભાઈ પટેલને ઝડપી પાડવાના ચક્રો ગતિમાન કર્યા છે. પોલીસના જણાવ્યા અનુસાર રીમાન્ડ દરમ્યાન કેટલીક ચોંકાવનારી વિગતો સપાટી પર આવે તેવી શક્યતાઓ જોવાઈ રહી છે.

(5:17 pm IST)
  • સુનાવણીના સીધા પ્રસારણ કરવા અરજી મામલે સુપ્રીમ કોર્ટે કેન્દ્ર સરકાર પાસે માંગ્યો જવાબ :બંધારણીય અને મહત્વના રાષ્ટ્રીય મામલાની સુનાવણીનું સીધું પ્રસારણ કરવાની અરજીમાં કેન્દ્રને પોતાનો પક્ષ જણાવવા સુપ્રીમ કોર્ટે કહ્યું access_time 1:11 am IST

  • જીજ્ઞેશ ભજીયાવાલાને આવકવેરાનું તેડુઃ કરોડો રૂપિયાની રોકડ અને પ્રોપર્ટી અંગે આયકર ખાતુ જવાબ લેશે! ૧ વર્ષ પછી જામીન ઉપર છુટતા હવે જીજ્ઞેશને નોટીસ સમન્સ ફટકાર્યા access_time 4:10 pm IST

  • જાપાને એક વધુ સફળતા મેળવી છે જેમાં જાપાને વિશ્વના સૌથી નાના રોકેટનો ઉપયોગ કરી એક ઉપગ્રહને સફળતાપૂર્વક પ્રક્ષેપિત કર્યો હતો. જાપાની અંતરિક્ષ એજન્સી 'JAXA'એ જણાવ્યું હતું કે, SS-520 નામનું આ રોકેટ લૈપ પોસ્ટ આકારનું છે અને તેનો વ્યાસ 50 સેન્ટીમીટર છે. એક રિપોર્ટ મુજબ ઇસરોના અધ્યક્ષ કે. સિવને જણાવ્ચું છે કે તેઓ પણ આવા નાના યાન બનાવવાની યોજના ઘડી રહ્યા છે access_time 9:39 am IST